Jamnagar તા.16
જામનગર શહેર અને જિલ્લામાં છેલ્લા કેટલાક દિવસોથી ડીઝલની તીવ્ર અછત સર્જાતા હાહાકાર મચી ગયો છે. શહેરા સહિત જિલ્લાના મુખ્ય મથકો અને ગ્રામ્ય વિસ્તારોમાં આવેલા અંદાજે પેટ્રોલ પંપો પર સ્ટોક નથીના જવાબ મળી રહ્યા છે.
જેના લીધે જનજીવન અસ્તવ્યસ્ત થઈ ગયું છે. જિલ્લાના વિવિધ તાલુકાઓમાં કાર્યરત મોટાભાગના પેટ્રોલ પંપો ઇંધણના અભાવે બંધ થઈ ગયા છે. ખાસ કરીને શહેરા પંથકમાં સ્થિતિ વધુ ગંભીર છે. જે જૂજ પંપો પર સ્ટોક ઉપલબ્ધ છે, ત્યાં વહેલી સવારથી જ વાહનોની કિલોમીટર લાંબી કતારો જ મળી રહી છે. કલાકો સુધી તપતા તડકામાં ઉભા રહેવા મજબૂર બન્યા છે.
જામનગર શહેરમાં વિક્ટોરિયા પુલ નજીક આવેલા ભારત પેટ્રોલિયમ પંપ તેમજ ફોરેસ્ટ વિભાગની કચેરી સામે રોડ ઉપર આવેલ ભારત પેટ્રોલિયમ પણ ડીઝલ નો જથ્થો ખલાસ હોવાનું જાણવા મળે છે. એટલું જ નહી હાઈવે માર્ગો ઉપર વાહનચાલકોને બે થી ત્રણ પેટ્રોલ પંપ ઉપર ડીઝલ મળતું નથી. જ્યાં ડીઝલ છે ત્યાં પેટ્રોલ પંપ ઉપરથી લિમિટેડ લિટર જથ્થો વિતરણ કરવામાં આવતો હોવાનું વાહનમાલિકો જણાવી રહ્યા છે.
જામનગર શહેરમાં આવેલાં પેટ્રોલ પંપ ઉપર પણ પૂરતા પ્રમાણમાં ડીઝલનો જથ્થો કંપની તરફથી જ આવતો નથી.જે ડિમાન્ડ કરીએ છીએ તેમાંથી અડધો જથ્થો ફાળવવામાં આવતો હોવાનું જણાવ્યું હતું.
આમ આ ડીઝલનો જથ્થો ક્યારે આવશે તેનું નક્કી નહી હોવાથી અનેક વાહનચાલકો મુશ્કેલીમાં મુકાયા છે. એટલું જ નહી શહેરમાંથી જે વાહનોમાં ડીઝલ પુરાવીને અવરજવર કરતા હોય છે. તેવા વાહનચાલકોના વાહનો ડીઝલની રાહ જોઈ રહ્યો છે. અનેક વાહનો ડીઝલન અભાવે નદીના પટમાં થંભી ગયા હોવાનું જાણવા મળે છે.
