Los Angeles, તા.28
અમેરિકામાં બે ટેક જાયન્ટ વચ્ચે કાનુની જંગ શરૂ થઇ રહ્યો છે. દુનિયાના સૌથી ધનવાન એલન મસ્કેએ અમેરિકાની અદાલતમાં ઓપનએઆઇ અને તેના સ્થાપક સેમ ઉલ્ટમેન પર છેતરપીંડીનો આરોપ મુકીને રૂા.12 લાખ કરોડનું વળતર માંગ્યું છે.
મસ્કે આરોપ લગાવ્યો છે કે ઓપનએઆઇએ તેમની કંપની દ્વારા શરુઆતમાં જે 3.8 થી 4.8 કરોડ ડોલરનું ફંડ અને તેમનું નામ ઉપયોગ કરવામાં જે રીતે ષડયંત્ર હતું અને તેની પાછળ કંપનીને વેલ્થ મશીન બનાવી દીધું છે.
આ બંને વચ્ચે લાંબા સમયથી વ્યાપારીક અને વ્યક્તિગત કારણોસર ટક્કર ચાલી રહી છે અને મસ્કે આરોપ મુક્યો છે કે કંપનીની સ્થાપના સમયે જે સિધ્ધાંતો નિશ્ચિત કરવામાં આવ્યા હતા તે તોડવામાં આવ્યા છે એટલું જ નહીં તેના લક્ષ્યથી પણ કંપની દૂર ગઇ છે.
એલન મસ્કનો મુખ્ય આરોપ છે કે, ઓલ્ટમેન અને તેના સાથી ગ્રેગ બ્રોકમેન માનવતાના લાભ માટે સુરક્ષીત આર્ટીફીશ્યલ ઇન્ટેલીજન્ટનો ઉપયોગ કરવાનો હતો તેના બદલે એક ખતરનાક વ્યવસાયમાં તે જોડાઇ ગઇ છે અને સાર્વજનિકના બદલે વ્યક્તિગત લાભ લેવાઇ રહ્યો છે અને 2015થી 2020 દરમિયાન તેણે 4.4 કરોડ ડોલરનું જે ભંડોળ આપ્યું હતું તેનો ઉપયોગ કંપની માટે કરવાના બદલે નાણાં બનાવવામાં કરી છે.
જો કે ઓલ્ટમેને આ આક્ષેપ પુરી રીતે નકાર્યા છે. તેમનો દાવો છે કે મસ્ક કંપની પણ નિયંત્રણ ઇચ્છે છે જ્યારે 2018માં તેઓ અલગ થઇ ગયા છે અને મસ્કના પૈસા હતા તે દાન હતું. કોઇ રોકાણ નહીં અને તેથી તેના વળતર અંગે તેઓ કોઇ પ્રશ્ન ઉઠાવી શકે નહીં.
