New Delhi,તા.08
જ્યાં એક તરફ આઈપીએલ 2026માં હાઈ વોલ્ટેજ અને રોમાંચક મેચો જોવા મળી રહી છે, તો બીજી તરફ ખેલાડીઓ અને સ્ટાફની અનુશાસનહીનતા પણ ચર્ચામાં છે, પરંતુ બીસીસીઆઈ પણ તેમના પર કાર્યવાહી કરવા માટે સતર્ક છે.
એક રિપોર્ટ અનુસાર, અત્યાર સુધી ઘણા ખેલાડીઓએ આ સિઝનમાં આઈપીએલના નિયમોનું ઉલ્લંઘન કર્યું છે અને તેમાં ટીમોના સપોર્ટ સ્ટાફના સભ્યો પણ સામેલ છે. ખાસ કરીને મેચ દરમિયાન સ્લો ઓવર રેટ કેપ્ટન માટે મુશ્કેલીનું કારણ બની ગયો છે. બીસીસીઆઈ સ્લો ઓવરોને લઈને ખૂબ જ કડક છે અને ઘણા કેપ્ટનો આવું કરવા બદલ લાખો રૂપિયાનો દંડ ચૂકવી ચૂક્યાં છે.
– મેચ 38 (કેકેઆર વિ. લખનૌ) : અંગક્રિશ રઘુવંશી; ઉલ્લંઘન – આઉટ થયા બાદ ગુસ્સો વ્યક્ત કરવો; દંડ – મેચ ફીના 20 ટકા.
– મેચ 43 (રાજસ્થાન વિ. દિલ્હી) : જેમીસન; ઉલ્લંઘન – ખેલાડીને ઉકસાવવા જેવી રીતે ઉજવણી કરવી; દંડ – 01 ડિમેરિટ અંક.
આઈપીએલ મેચોમાં શિસ્તભંગ અને દંડ
આઈપીએલની મેચ નંબર 04 પંજાબ-ગુજરાત અને મેચ નંબર 07 પંજાબ-ચેન્નાઈમાં શ્રેયસ અય્યર દ્વારા સ્લો ઓવર રેટનું ઉલ્લંઘન કરવામાં આવ્યું હતું, જેના માટે તેમને અનુક્રમે 12 લાખ અને 24 લાખ રૂપિયાનો દંડ ફટકારવામાં આવ્યો હતો.
મેચ 06 હૈદરાબાદ-કેકેઆરમાં અભિષેક શર્માએ અભદ્ર ભાષાનો પ્રયોગ કરતા તેમની મેચ ફીના 25 ટકા દંડ તરીકે કાપવામાં આવ્યાં હતાં. મેચ 14 માં ગુજરાત-દિલ્હી વચ્ચેની મેચ દરમિયાન શુભમન ગિલને સ્લો ઓવર રેટ માટે 12 લાખ રૂપિયાનો દંડ થયો હતો. મેચ 16 માં આરસીબી-રાજસ્થાન મેચ દરમિયાન રોમી ભિંડર દ્વારા મોબાઈલનો ઉપયોગ કરવામાં આવતા 01 લાખ રૂપિયાનો દંડ લાદવામાં આવ્યો હતો.
મેચ 18 ચેન્નાઈ-દિલ્હીમાં તુરાજ ગાયકવાડને સ્લો ઓવર રેટ બદલ 12 લાખ રૂપિયાનો દંડ થયો, જ્યારે તે જ મેચમાં નીતીશ રાણાને અમ્પાયર સાથે દલીલ કરવા બદલ મેચ ફીના 25 ટકા દંડ ભરવો પડ્યો હતો. મેચ 20 મુંબઈ-આરસીબીમાં હાર્દિક પંડ્યાને સ્લો ઓવર રેટ માટે 12 લાખ અને ટિમ ડેવિડને અમ્પાયર સાથે દલીલ કરવા બદલ મેચ ફીના 25 ટકા દંડ કરવામાં આવ્યો હતો.
મેચ 22 માં કેકેઆર-ચેન્નાઈની રમત દરમિયાન અજિંક્ય રહાણેને સ્લો ઓવર રેટ માટે 12 લાખ રૂપિયાનો દંડ થયો હતો. મેચ 32 માં નાંદ્રે બર્ગરને ઉકસાવવા વાળા જશ્ન બદલ 10 ટકા મેચ ફી અને મેચ 40 માં રિયાન પરાગને ડ્રેસિંગ રૂમમાં સ્મોકિંગ કરવા બદલ 25 ટકા મેચ ફીનો દંડ ફટકારવામાં આવ્યો હતો.
ડિમેરિટ પોઈન્ટ શું છે?
આઈપીએલમાં જ્યારે કોઈ ખેલાડી નિયમ તોડે છે, ત્યારે તેને દંડની સાથે ડિમેરિટ પોઈન્ટ પણ આપવામાં આવે છે. આ પોઈન્ટ ખેલાડીના રેકોર્ડમાં 24 મહિના સુધી રહે છે. જો કોઈ ખેલાડીને કુલ ચાર ડિમેરિટ પોઈન્ટ મળે છે, તો તેના પર એક મેચનો પ્રતિબંધ લાદવામાં આવે છે.
