New Delhi,તા.૯
દિલ્હીની એક કોર્ટે અભિનેત્રી Jacqueline Fernandezને તેના વર્ક વિઝા રિન્યુ કરવા માટે ’નો-ઓબ્જેક્શન સર્ટિફિકેટ’ (એનઓસી) આપ્યું છે. જૂનની શરૂઆતમાં, કોર્ટે તેના, કથિત છેતરપિંડી કરનાર સુકેશ ચંદ્રશેખર અને ૧૫ અન્ય લોકો સામે ૨૦૦ કરોડના મની લોન્ડરિંગ કેસમાં આરોપો ઘડ્યા હતા.
૬ ઓક્ટોબરના રોજ આપેલા આદેશમાં, એડિશનલ સેશન્સ જજ ગગનદીપ સિંહની કોર્ટે જણાવ્યું હતું કે અભિનેત્રી શ્રીલંકાની નાગરિક છે અને ૨૦૦૯ થી રોજગાર વિઝા પર ભારતમાં રહે છે, જેની મુદત પૂર્ણ થઈ ગઈ હતી. ફર્નાન્ડીઝની અરજી પર વિચાર કરતા, કોર્ટે કહ્યું કે તે “મનોરંજન ઉદ્યોગમાં સક્રિય રીતે કામ કરી રહી છે અને ભારતમાં ઘણી વ્યાવસાયિક પ્રતિબદ્ધતાઓ ધરાવે છે.” આ કેસમાં ચાલી રહેલી સુનાવણીમાં હાજરી આપવા માટે તેની હાજરી જરૂરી છે.
કોર્ટે એ પણ નોંધ્યું કે અભિનેત્રીએ ૨૦ ફેબ્રુઆરી, ૨૦૨૫ ના રોજ શ્રીલંકન કોન્સ્યુલેટમાંથી વિઝા ફરીથી જારી કરવા માટે તેનો પાસપોર્ટ જારી કર્યો હતો. ન્યાયાધીશે કહ્યું, “આરોપી અથવા અરજદારના વકીલે એમ પણ કહ્યું છે કે ફોરેનર્સ રિજનલ રજિસ્ટ્રેશન ઓફિસ કોર્ટના એનઓસી વિના વર્ક વિઝા રિન્યુ કરી રહી નથી.”
અરજીનો નિકાલ કરતા ન્યાયાધીશે કહ્યું, “આ કેસના તથ્યો અને સંજોગોને ધ્યાનમાં લેતા, અરજદાર/આરોપી જેકલીન ફર્નાન્ડીઝને કાયદા અનુસાર સંબંધિત અધિકારીઓને તેના વિઝા રિન્યુ કરવા માટે ર્દ્ગંઝ્ર આપવામાં આવે છે. સંબંધિત અધિકારીઓ કાયદા, નિયમો, પરિપત્રો અને લાગુ પેટા-નિયમો અનુસાર સ્વતંત્ર રીતે આ બાબત પર વિચાર કરશે.
