પોલીસે ફાયરીંગ અને murderની ફરિયાદ નોંધી તપાસ ચલાવી
(રવિ નિમાવત દ્વારા),
Morbi, તા,02
માળિયામાં રહેતા આધેડ પોતાના ઘરના ફળિયામાં ખુરશી નાખીને બેઠા હતા ત્યારે ધંધા બાબતનું મનદુઃખ રાખી ચાર અજાણ્યા સહિતના છ ઇસમોએ કાળા કલરની કારમાં આવી બંદુક જેવા હથિયારથી ફાયરીંગ કરી ગંભીર ઈજા પહોંચાડી મોત નીપજાવ્યું હતું જે murder ના બનાવ મામલે માળિયા પોલીસે શહેર ભાજપ પ્રમુખ સહિતના છ ઈસમો વિરુદ્ધ ફરિયાદ નોંધી તપાસ ચલાવી છે
માળિયા (મી.) જુના બસ સ્ટેન્ડ પાસે રહેતી સાઈનાબેન હૈદર મોવર નામની મહિલાએ આરોપીઓ ઇલીયાસ મુસાભાઈ મોવર (માળિયા શહેર ભાજપ પ્રમુખ), શફીર મુસા મોવર રહે બંને માળિયા અને ચાર અજાણ્યા ઈસમો વિરુદ્ધ ફરિયાદ નોંધાવી છે જેમાં જણાવ્યું છે કે ગત તા. ૦૧ જુનના સાંજે સવા સાતેક વાગ્યે ફરિયાદી તેમજ તેના દીકરા-દીકરીઓ ઘરમાં હતા અને પતિ હૈદર મોવર ખુલ્લા ફળિયામાં ખુરશી નાખીને બેઠા હતા સાંજના સાડા સાતેક વાગ્યે ફળિયામાં રહેતી ભત્રીજી વહુ સમાંબેન મોવર ફળિયામાં કામ કરતી હતી ત્યારે સામે કાળા કલરની ગાડી આવી જે ગાડીમાં શફીર મોવર અને તેની સાથે અન્ય ચાર માણસો હતા તે લોકોએ ગાડી ઉભી રાખી ગાડીના ચારેય દરવાજાના કાચ ખુલ્લા હોય શફીરે ડ્રાઈવર સાઈડ દરવાજામાંથી બંદુક બહાર કાઢી પતિ હૈદર પર ફાયરીંગ કર્યું હતું જે ફાયરીંગનો અવાજ થતા ઘરના સભ્યો ફળિયામાં આવી ગયા હતા અને દેકારો થતા શફિર અને તેની સાથે આવેલ ઈસમો ગાડી લઈને ભાગી ગયા હતા
પતિ હૈદર પર ફાયરીંગ થતા તેને ગંભીર ઈજા પહોંચતા પ્રાઈવેટ વાહનમાં મોરબીની ખાનગી હોસ્પિટલ લઇ ગયા હતા અને ડોક્ટરે જોઈ તપાસીને મરણ ગયાનું જાહેર કરતા પીએમ અર્થે મૃતદેહ સરકારી હોસ્પિટલ ખસેડ્યો હતો આમ આ બનાવનું કારણ એ કે છેલ્લા બે વર્ષથી શફીર અને તેના સગા મોટા ભાઈ ઇલીયાસ સાથે ધંધા બાબતે મનદુઃખ ચાલતું હતું જેનો ખાર રાખી શફિર, તેના મોટા ભાઈ ઈલીયાસે અગાઉ પણ અમારી સાથે ઝઘડા કર્યા હતા અને ગત તા. ૦૧ જુનના સાંજના ઇલીયાસના કહેવાથી તેના ભાઈ શફિરે તેના માણસો સાથે આવી ગાડીમાંથી ફાયરીંગ કરી પતિ હૈદરને માથા અને ગળાના ભાગે તેમજ છાતી-પેટમાં ગંભીર ઈજા પહોંચાડી હત્યા કરી હતી પોલીસે આરોપી ઇલીયાસ મુસા મોવર, તેના ભાઈ શફીર અને ચાર અજાણ્યા ઈસમો વિરુદ્ધ હત્યાની ફરિયાદ નોંધી તપાસ હાથ ધરી છે
