New Delhi, તા. 6
બે મેચોની ટેસ્ટ સીરીઝમાં ભાગ લેવા માટે શુભમન ગિલની આગેવાનીમાં ભારતીય ટીમ શ્રીલંકા પહોંચી ગઈ છે. ભારત માટે આ સીરીઝ મહત્વપૂર્ણ રહેશે કારણ કે તેનાં દ્વારા જ તે ICC વર્લ્ડ ટેસ્ટ ચેમ્પિયનશિપ (WTC) 2025-27 ચક્રની ફાઇનલમાં પહોંચવાની પોતાની સંભાવનાઓને મજબૂત કરશે.
ભારત માટે હાલ WTC ની ફાઇનલમાં પહોંચવાનો રસ્તો એટલો સરળ નથી અને તેને જીતની શરૂઆત આ જ શ્રીલંકા પ્રવાસથી કરવી પડશે, જેની પહેલી ટેસ્ટ 15 ઓગસ્ટથી થવાની છે.
ખાતામાં ફક્ત ચાર જીત
બે વખત WTC ની ફાઇનલ રમી ચૂકેલી ટીમ ઈન્ડિયા હાલમાં WTC ટેબલમાં પાંચમાં સ્થાને છે. તેણે નવ મેચોમાં ચાર જીત અને ચાર હાર નોંધાવી છે અને તેનો અંક ટકાવારી (PCT) 48.15 છે. જ્યારે, શ્રીલંકા છઠ્ઠા સ્થાને છે.
તેણે બે મેચ ડ્રો રમ્યા છે અને એક જીતી અને એક હારી છે. તેની અંક ટકાવારી 41.67 છે અને તે છઠ્ઠા સ્થાને છે. અહીં યજમાન શ્રીલંકાની સ્થિતિ સારી દેખાઈ રહી છે. જો તે ભારત પર ક્લીન સ્વીપ કરે છે તો તેની ટકાવારી 60 ને પાર પહોંચી જશે અને તે ટોપ-4 માં પહોંચીને ફાઇનલની રેસમાં સામેલ થઈ જશે. નહિતર ભારતની ટકાવારી વધુ નીચે જતી રહેશે.
ડ્રો થી નહિ થાય ફાયદો
જો ભારત સીરીઝમાં ક્લીન સ્વીપ કરે છે તો તેને મોટો ફાયદો થશે, પરંતુ સીરીઝ ડ્રો થવાથી ભારતને કોઈ ખાસ લાભ નહિ મળે. જો ભારત આ સીરીઝ 2-0 થી જીતે છે તો તેના 57.58 ટકા અંક થઈ જશે.
આ દરમિયાન બાંગ્લાદેશને પણ ઓસ્ટ્રેલિયામાં ઓસ્ટ્રેલિયા સામે ટેસ્ટ સીરીઝ રમવાની છે. ભારતીય ફેન્સ એવી જ આશા રાખશે કે બાંગ્લાદેશ સીરીઝ હારે જેથી ભારત તેની જગ્યાએ ચોથા સ્થાન પર કબજો કરી શકે. જો સીરીઝ 1-1 થી ડ્રો થાય છે તો આપણને કોઈ ફાયદો નહિ થાય, કારણ કે આપણે 48.48 પર રહીશું અને શ્રીલંકા 44.44 પર. એવામાં સ્થિતિ જેવી છે, તેવી જ રહેશે.
WTC 2025-27 માં સર્વાધિક રન (ભારતીય)
♦ શુભમન ગિલ – 950
♦ કે.એલ. રાહુલ – 796
♦ રવિન્દ્ર જાડેજા – 725
♦ યશસ્વી જાયસવાલ – 713
♦ ઋષભ પંત – 528
ત્રીજો દેશ બનશે ભારત
ટીમ ઈન્ડિયાએ પોતાનો 500મો ટેસ્ટ વર્ષ 2016 માં ન્યુઝીલેન્ડ સામે કાનપુરમાં રમી હતી અને હવે લગભગ દસ વર્ષ બાદ ટીમ ઈન્ડિયા પોતાની કુલ 600મી ટેસ્ટ રમવા માટે તૈયાર છે. શ્રીલંકા સામેની આ સીરીઝની બીજી ટેસ્ટ ભારતની કુલ 600મી ટેસ્ટ મેચ હશે અને આ ઉપલબ્ધિ હાંસલ કરનાર ભારત કુલ ત્રીજો દેશ બનશે.
ઇંગ્લેન્ડ 1097 ટેસ્ટ મેચો સાથે આ લિસ્ટમાં સૌથી આગળ છે. જ્યારે ઓસ્ટ્રેલિયાએ 882 ટેસ્ટ મેચ રમી છે. ટીમ ઈન્ડિયાએ અત્યાર સુધી 136 ટેસ્ટ જીતી છે જ્યારે 188 માં તેને હાર મળી છે. હાર-જીતના અંતરને ભારત આ સીરીઝમાં ક્લીન સ્વીપ કરીને બરાબરી પર લાવી શકે છે.
