Sharjah,તા.૨૯
ટી ૨૦ આંતરરાષ્ટ્રીય ઇતિહાસના પાનામાં સ્થાન મેળવ્યું છે, આંતરરાષ્ટ્રીય ક્રિકેટના આ ટૂંકા ફોર્મેટમાં ૨૦૦ વિકેટ મેળવનાર પ્રથમ બોલર બન્યો છે. અફઘાનિસ્તાન અને ઝિમ્બાબ્વે વચ્ચે ત્રણ મેચની ટી ૨૦ શ્રેણીની બીજી મેચ શારજાહ ખાતે રમાઈ રહી છે. પહેલા બેટિંગ કરતા અફઘાનિસ્તાને ૨૦ ઓવરમાં ૭ વિકેટ ગુમાવીને ૨૨૧ રન બનાવ્યા. જ્યારે અફઘાન ટીમ બોલિંગ કરવા માટે ઉતરી, ત્યારે રાશિદ ખાને ઇનિંગની ૯મી ઓવરના ત્રીજા બોલ પર તાદીવાનાશે મારુમાનીની વિકેટ લઈને ઐતિહાસિક સિદ્ધિ હાંસલ કરી.
અફઘાનિસ્તાનનો સ્ટાર ખેલાડી અને વિશ્વ ક્રિકેટમાં મેચ વિજેતા બોલર ગણાતા રાશિદ ખાનને ટી ૨૦ આંતરરાષ્ટ્રીય ફોર્મેટમાં સૌથી મહાન બોલરોમાંના એક ગણવામાં આવે છે, જે સૌથી વધુ વિકેટ મેળવનારા બોલરોની યાદીમાં ટોચનું સ્થાન ધરાવે છે. ઝિમ્બાબ્વે સામેની બીજી ટી ૨૦ મેચમાં ૨૦૦ વિકેટ સુધી પહોંચવા માટે રાશિદ ખાનને ફક્ત એક વિકેટની જરૂર હતી, અને તેણે તાદીવાનાશે મારુમાનીને આઉટ કરીને આ સિદ્ધિ હાંસલ કરી. રાશિદ ખાને તેની ૧૨૦મી ટી ૨૦ આંતરરાષ્ટ્રીય મેચમાં ૧૩.૯૯ ની સરેરાશ સાથે ૨૦૦ વિકેટ પૂર્ણ કરી.
ટી ૨૦ આંતરરાષ્ટ્રીય મેચોમાં સૌથી વધુ વિકેટ લેનારા બોલરો
રાશિદ ખાન (અફઘાનિસ્તાન) – ૨૦૦ વિકેટ
આદિલ રાશિદ (ઇંગ્લેન્ડ) – ૧૭૧ વિકેટ
એહસાન ખાન (હોંગકોંગ) – ૧૬૫ વિકેટ
ઈશ સોઢી (ન્યુઝીલેન્ડ) – ૧૬૫ વિકેટ
ટિમ સાઉથી (ન્યુઝીલેન્ડ) – ૧૬૪ વિકેટ
રાશિદે પણ બેટિંગમાં પોતાનું કૌશલ્ય બતાવ્યું. ઝિમ્બાબ્વે સામેની બીજી ટી ૨૦ આંતરરાષ્ટ્રીય મેચમાં પ્રથમ બેટિંગ કરતા, અફઘાનિસ્તાને ૫ રનના સ્કોર પર ચાર વિકેટ ગુમાવી દીધી. ત્યારબાદ અઝમતુલ્લાહ ઓમરઝાઈએ ૧૧૬ રનની શાનદાર સદી ફટકારીને ટીમને ૨૦૦ રનની નજીક પહોંચાડી. રાશિદ ખાને સ્કોર ૨૦૦ ને પાર પહોંચાડવામાં મુખ્ય ભૂમિકા ભજવી, છેલ્લી ઓવરમાં ચાર છગ્ગા ફટકાર્યા અને માત્ર છ બોલમાં અણનમ ૨૫ રન બનાવ્યા.
