Samay Rainaએ ‘India’s Got Talent’ ના બધા એપિસોડ ડિલીટ કર્યા

Mumbai, તા.૧૩
‘India’s Got Talent’ પર થયેલા વિવાદ બાદ, હવે શોના આયોજક Samay Rainaએ શોના બધા એપિસોડ ડિલીટ કરી દીધા છે. તેમણે X પર પોસ્ટ કરીને આ હોબાળા પર પોતાની પ્રતિક્રિયા આપી છે. તેમણે કહ્યું છે કે આ બધું સંભાળવું તેમના માટે મુશ્કેલ બની ગયું હતું. આ ઉપરાંત, સમયે એમ પણ કહ્યું છે કે તે આ સમગ્ર મામલામાં એજન્સીઓને સંપૂર્ણ સહયોગ આપશે. Samay Rainaએ પોતાની Postમાં લખ્યું – ‘જે કંઈ થઈ રહ્યું છે તે મારા માટે ખૂબ વધારે છે. મેં મારી ચેનલ પરથી ‘India’s Got Talent’ ના બધા વિડીયો દૂર કરી દીધા છે. મારો એકમાત્ર ઉદ્દેશ્ય લોકોને હસાવવાનો અને તેમને સારો સમય આપવાનો હતો. હું બધી એજન્સીઓને સંપૂર્ણ સહકાર આપીશ જેથી ખાતરી કરી શકાય કે તેમની તપાસ નિષ્પક્ષ રીતે પૂર્ણ થાય. આભાર. તમને જણાવી દઈએ કે ખાર પોલીસે ‘India’s Got Talent’ વિવાદ અંગે અત્યાર સુધીમાં ૬ લોકોના નિવેદનો નોંધ્યા છે. પોલીસે આશિષ ચંચલાની અને Apurva Makhijaના પણ નિવેદન લીધા છે. Apurva Makhija અને આશિષ ચંચલાનીએ પોતાના નિવેદનમાં આ શો વિશે કહ્યું હતું કે તે સ્ક્રિપ્ટેડ નથી. શોમાં જજ અને સહભાગીઓને ખુલીને વાત કરવાનું કહેવામાં આવે છે.