Chandigarh ,તા.૮
રાઘવ ચઢ્ઢા સાથે આમ આદમી પાર્ટી છોડનારા સાત સાંસદોમાંથી એક સંદીપ પાઠકે હાઈકોર્ટનો સંપર્ક કર્યો છે. તેમણે પંજાબ અને હરિયાણા હાઈકોર્ટમાં એક અરજી દાખલ કરી છે જેમાં પંજાબ સરકાર, પંજાબ પોલીસ અને સંબંધિત એજન્સીઓ પાસેથી તેમના વિરુદ્ધ કયા પોલીસ સ્ટેશનોમાં હ્લૈંઇ દાખલ કરવામાં આવી છે તે અંગે માહિતી માંગવામાં આવી છે. પાઠકે તેમની સામે દાખલ કરાયેલી તારીખો, કઈ કલમો હેઠળ અને કુલ કેટલી હ્લૈંઇ દાખલ કરવામાં આવી છે તેની માહિતી પણ માંગી હતી. પોતાની અરજીમાં તેમણે જણાવ્યું હતું કે તેમને રિપોર્ટ્સ પરથી જાણવા મળ્યું છે કે તેમની સામે બે એફઆઇઆર દાખલ કરવામાં આવી છે.
તેમણે વધુમાં જણાવ્યું હતું કે તેમને હજુ સુધી કોઈ એફઆઇઆરની નકલ આપવામાં આવી નથી, કે તેમને તેમની સામે દાખલ કરાયેલા વિવિધ કેસોની સત્તાવાર રીતે જાણ કરવામાં આવી નથી. તેમણે કોર્ટને વિનંતી કરી કે તેમની સામે દાખલ કરાયેલા અન્ય કોઈપણ એફઆઇઆરની માહિતી તાત્કાલિક પૂરી પાડવામાં આવે. હાઈકોર્ટે હવે આ મામલાની નોંધ લીધી છે અને કેસની સુનાવણી કરશે. દરમિયાન, આપઁ છોડીને ભાજપમાં જોડાયેલા અન્ય એક સાંસદે પંજાબ સરકારના નિર્ણયને હાઈકોર્ટમાં પડકાર્યો છે.
પંજાબ પોલીસે ૨ મેના રોજ રાજ્યસભા સાંસદ સંદીપ પાઠક સામે બે એફઆઇઆર નોંધી.,તેમની સામેના કેસ બિન-જામીનપાત્ર કલમો હેઠળ છે.
ટ્રાઈડેન્ટ લિમિટેડના ચેરમેન અને રાજ્યસભા સભ્ય રાજેન્દ્ર ગુપ્તાએ પંજાબ અને હરિયાણા હાઈકોર્ટમાં તેમની સુરક્ષા પાછી ખેંચવાના પંજાબ સરકારના નિર્ણયને પડકાર્યો છે. તેમણે સુરક્ષા પાછી ખેંચવાના આદેશને રદ કરવા અને તેમની અગાઉની સુરક્ષા પુનઃસ્થાપિત કરવાની માંગ કરી છે. નોંધનીય છે કે ભૂતપૂર્વ ક્રિકેટર અને રાજ્યસભા સભ્ય હરભજન સિંહે પણ ભાજપમાં જોડાયા બાદ તેમની સુરક્ષા પાછી ખેંચવા અંગે હાઇકોર્ટનો સંપર્ક કર્યો હતો. અન્ય એક કેસમાં, હાઇકોર્ટે પંજાબ પ્રદૂષણ નિયંત્રણ બોર્ડની કાર્યવાહી પર સ્ટે મૂકીને ટ્રાઇડેન્ટ ગ્રુપને નોંધપાત્ર રાહત આપી હતી. કોર્ટે જણાવ્યું હતું કે ૩૦ દિવસના વિસ્તરણ વિના કડક કાર્યવાહી કરવામાં આવશે નહીં.
