Mumbai,તા.22
અહીના ભાયખલા વિસ્તારમાં એક પાણી ભરેલા ખાડા પર પસાર થવા દરમિયાન પાણી ઉડતા મારામારી થઈ હતી. આ મામલે પુર્વ ક્રિકેટર યુસુફ પઠાણના સસરા સહિત ત્રણ શખ્સોની ધરપકડ થઈ છે. એક આરોપી ફરાર છે, લાઠી, ડંડા અને બેઝબોલ બેટથી થયેલા હુમલામાં અનેક લોકો ઘાયલ થયા છે.
પોલીસના જણાવ્યા મુજબ શનિવારે રાત્રે 9 વાગ્યે યુસુફ ખાન (ઉ.30) નામનો શખ્સ પોતાની કારમાં ઘર પરત ફરી રહ્યો હતો તે દરમિયાન રસ્તા પર પાણી ભરેલા ખાડા પર તેની કાર પસાર થતા પાણી રસ્તા પર પસાર થતા શોએબ ખાનને ઉડતા તે ગુસ્સામાં આવી ગયો હતો અને ગાળા-ગાળી કરવા લાગ્યો હતો. યુસુફે કાર રોકીને યુસુફની માફી પણ માંગી હતી તેમ છતાં શોએબે કારના વિન્ડશિલ્ડ લાકડીથી તોડી નાખ્યા હતા અને યુસુફ પર હુમલો કરતા તે ઘાયલ થયો હતો.
આ ઘટના બાદ યુસુફ ખાન ઘરે પહોંચ્યો તો પરિવારે તેને પોલીસમાં ફરિયાદ કરવાની સલાહ આપી. જયારે તે પોલીસ સ્ટેશન જતો હતો ત્યારે રસ્તામાં તેની મુલાકાત ખાલીદ ખાન સાથે થઈ ગઈ. જે પુર્વ ક્રિકેટર અને ટીએમસી સાંસદ યુસુફ પઠાણના સસરા તરીકે ઓળખ અપાઈ છે.
પોલીસના અનુસાર ખાલીદ ખાન, તેનો પુત્ર ઉમરસદ પઠાણ, શોએબ પઠાણ અને અન્ય એક આરોપી શહબાઝ ખાન સાથે હતા. આ દરમિયાન બન્ને પક્ષો વચ્ચે ફરી જોરદાર ચર્ચા શરૂ થઈ ગઈ જે હિંસામાં બદલી ગઈ. આરોપીઓએ યુસુફખાન અને તેના પરિવાર પર હુમલો કર્યો હતો. આ મામલામાં ત્રણની ધરપકડ થઈ છે, એક ફરાર છે.
