Morbi તા 7
હળવદના ગોલાસણ ગામની સીમમાં આવેલ વાડીએ યુવાન મગફળીના વાવેતરમાં પાણી વાળતો હતો દરમિયાન જાટકાના વાયરને અડી જવાના કારણે તે યુવાને શોટ લાગ્યો હતો અને યુવાનનું મોત નીપજ્યું હતું
મૂળ રાપર તાલુકાનાં પલાસવા ગામના અને હાલમાં ગોલાસણ ગામની સીમમાં રહેતા અને મજૂરી કામ કરતા નરેશભાઈ ધનજીભાઈ ઉર્ફે ધનાભાઈ કોળી (27) નામના યુવાનને ગોલાસણ ગામની સીમમાં નારણભાઈ સાવડીયાની વાડીએ કામ કરતો હતો ત્યારે જાટકાના વાયરને અડી જતા શોર્ટ લાગ્યો હતો જેથી તેનું મોત નીપજ્યું હતું તાલુકા પોલીસે અકસ્માત મૃત્યુના બનાવની નોંધ કરી કાર્યવાહી હાથ ધરી છે
હુમલો
વાંકાનેરમાં આવેલ પેડક સોસાયટી હાથી ખાના શેરી ખાતે રહેતા દીપકભાઈ કાનાભાઈ ધેણોજા (35)એ હાલમાં ફિરોજ મુસા, અકબર મુસા અને સાહિલ મુસા રહે. ત્રણેય વાંકાનેર સામે ફરિયાદ નોંધાવેલ છે જકાતનાકા રીક્ષા સ્ટેન્ડ પાસે તેઓ પોતાની રિક્ષામાં પેસેન્જર બેસાડતા હતા.
તે બાબતે તેને ફિરોજ મુસા સાથે બોલાચાલી અને જપાજપી થઈ હતી અને ત્યારે પાઇપ માર મારીને ફેક્ચર જેવી ઈજા કરી હતી જેથી ઈજા પામેલા યુવાનને સારવાર માટે હોસ્પિટલે લઈને આવ્યા હતા અને પોલીસે હાલમાં ત્રણ સામે ગુનો નોંધી આરોપીઓને પકડવા તજવીજ શરૂ કરેલ છે
