(રવિ મોટવાણી દ્વારા) Morbi તા.૨૯
રાજકોટ કોર્ટ દ્વારા ચેક રીટર્ન કેસમાં સજા ફરમાવવામાં આવ્યા છતાં આરોપી કોર્ટમાં હાજર થયો ના હતો જેથી કોર્ટે વોરંટ ઈશ્યુ કરતા ટંકારા પોલીસે આરોપીને ઝડપી લઈને કોર્ટમાં રજુ કરી રાજકોટ મધ્યસ્થ જેલ હવાલે કરવામાં આવ્યો છે
ટંકારા પોલીસ ટીમ કોર્ટ તરફથી આવતા સમન્સ, વોરંટની બજવણી કરવા અને પકડ વોરંટ વાળા ઇસમોને ઝડપી લેવા કાર્યરત હતી દરમીયાન એડી. ચીફ. જ્યુડી. મેજીસ્ટ્રેટ રાજકોટ (સ્પેશ્યલ નેગોસીએબલ કોર્ટ) નાઓએ ફોજદારી કેસ નંબર ૧૬૭૫૯/૨૦૧૯ ના કામે મહેશભાઈ વાઘજીભાઈ ઝાપડા રહે કલ્યાણપર તા. ટંકારા વાળાને ધી નેગોશીએબલ ઇન્સ્ત્રુંમેન્ટ એક્ટની કલમ ૧૩૮ ના કામે સજા ફરમાવી હતી
જે આરોપી કોર્ટમાં હાજર થયો ના હતો જેથી નામદાર રાજકોટ કોર્ટે વોરંટ ઈશ્યુ કર્યું હતું જે વોરંટની ગંભીરતા ધ્યાને લઈને આરોપી મહેશ ઝાપડાને ઝડપી લઈને કોર્ટમાં રજુ કરી નામદાર કોર્ટ આરોપીને રાજકોટ મધ્યસ્થ જેલ હવાલે કરવા હુકમ કરતા આરોપીને જેલહવાલે કરવામાં આવ્યો છે
