Morbi,તા.04
મોરબીના ઉંચી માંડલ ગામે તળાવની પાળ નજીક આવેલ વાડીની ઓરડીમાં રેડ કરી પોલીસે દારૂ અને બીયરના જથ્થા સાથે બે ઇસમોને ઝડપી લઈને રૂ ૮૯,૭૦૦ નો મુદામાલ કબજે લીધો છે
મોરબી એલસીબી ટીમ પેટ્રોલિંગમાં હોય દરમિયાન ઉંચી માંડલ ગામના સ્મશાન પાસે વાડીની ઓરડીમાં દારૂનું વેચાણ કરાતું હોવાની બાતમીને આધરે ટીમે રેડ કરી હતી વાડીની ઓરડીમાંથી ઈંગ્લીશ દારૂની નાની મોટી કુલ બોટલ નંગ ૨૨૧ કીમત રૂ ૭૭,૧૦૦ અને બીયરના ૭૦ ટીન કીમત રૂ ૧૨,૬૦૦ સહીત કુલ રૂ ૮૯,૭૦૦ નો મુદામાલ જપ્ત કર્યો છે પોલીસે આરોપી જોરૂભાઈ અજાભાઇ ભાટિયા અને જગદીશ ઉમેદસિંહ ચૌહાણ એમ બેને ઝડપી લીધા છે અન્ય આરોપી જયેશ બાવાજી હાજર મળી આવ્યો ના હતો જેથી તાલુકા પોલીસ મથકમાં ફરિયાદ નોંધી ધોરણસરની કાર્યવાહી હાથ ધરી છે
વાંકાનેરની પંચવટી સોસાયટીના મકાનમાંથી દારૂના જથ્થા સાથે એક ઝડપાયો
વાંકાનેર શહેરના નવાપરા વિસ્તારના રહેણાંક મકાનમાં રેડ કરી પોલીસે ઈંગ્લીશ દારૂની ૬૦ બોટલ અને મોબાઈલ સહીત ૭૧,૦૦૦ નો મુદામાલ જપ્ત કરી એક આરોપીને ઝડપી લીધો છે
વાંકાનેર સીટી પોલીસ ટીમ માં હોય દરમિયાન નવાપરા પંચાસર રોડ પર પંચવટી સોસાયટીમાં આરોપી જીગ્નેશ ઘનશ્યામ મકવાણાના મકાનમાં રેડ કરી હતી આરોપીના મકાનમાંથી ઈંગ્લીશ દારૂની ૬૦ બોટલ કીમત રૂ ૬૬ હજારનો જથ્થો મળી આવતા દારૂ અને મોબાઈલ કીમત રૂ ૫ હજાર સહીત કુલ રૂ ૭૧,૦૦૦ નો જથ્થો જપ્ત કરી ધોરણસરની કાર્યવાહી હાથ ધરી છે
