New Delhi,તા.૧
રામ મંદિર માટે દાનની કથિત ચોરી અંગે સાંસદ પપ્પુ યાદવે સંસદમાં વિરોધ કર્યો. તેમણે સંતના વેશમાં વિરોધ કર્યો, અને અન્ય વિપક્ષી સાંસદો પણ તેમાં જોડાયા. પપ્પુ યાદવના વિરોધ બાદ, જહાંગીરપુરી પોલીસ સ્ટેશનમાં ફરિયાદ દાખલ કરવામાં આવી છે. ફરિયાદી સૂર્યા મૈથિલ દ્વારા દાખલ કરાયેલી ફરિયાદમાં પપ્પુ યાદવ પર વિરોધ દરમિયાન ધાર્મિક લાગણીઓ દુભાવવાનો આરોપ મૂકવામાં આવ્યો છે. ફરિયાદીએ એવો પણ આરોપ લગાવ્યો હતો કે વિરોધ પક્ષ ભારત ગઠબંધનના અનેક નેતાઓએ આ વિરોધ પ્રદર્શનને ટેકો આપ્યો હતો.
આ બાબત અંગે, સૂર્ય મૈથિલે આરોપ લગાવ્યો હતો કે પપ્પુ યાદવે સંસદની બહાર તેમના વિરોધ પ્રદર્શન દરમિયાન ધાર્મિક પ્રતીકોનું અપમાન કર્યું હતું. મૈથિલે કહ્યું, “જે રીતે પપ્પુ યાદવે આજે ભગવા રંગનું અપમાન કર્યું અને સંસદની બહાર તેમણે જે નાટક કર્યું તેને રાહુલ ગાંધી, ડિમ્પલ યાદવ, અવધેશ કુમાર અને ૈંદ્ગડ્ઢૈં ગઠબંધનના અન્ય સાંસદોએ સમર્થન આપ્યું હતું. આમાં પપ્પુ યાદવે ભગવાન રામ લલ્લા વિરાજમાનની તસવીર પણ પોતાના પગ નીચે મૂકી દીધી. આનાથી સનાતનીઓની ભાવનાઓને ઠેસ પહોંચી છે.”
તેમણે વધુમાં કહ્યું, “મેં આ વિરુદ્ધ જહાંગીરપુરી પોલીસ સ્ટેશનમાં ફરિયાદ નોંધાવી છે. હું ગૃહમંત્રી અમિત શાહ, દિલ્હી પોલીસ કમિશનર, ડીસીપી ઉત્તર,ડીસીપી ઉત્તર પશ્ચિમ,એસીપી જહાંગીરપુરી અને એસએચઓ જહાંગીરપુરી પાસે માંગ કરું છું કે ધાર્મિક લાગણીઓને ઠેસ પહોંચાડવા બદલ જવાબદાર તમામ લોકો સામે તાત્કાલિક કાનૂની કાર્યવાહી કરવામાં આવે.”
શુક્રવાર, ૩૧ જુલાઈના રોજ સંસદ સંકુલમાં વિરોધ પ્રદર્શન જોવા મળ્યું. વિપક્ષી સાંસદોએ અનેક મુદ્દાઓ પર કેન્દ્ર સરકારને ઘેરવા માટે શેરી નાટકોનો આશરો લીધો, જેમાં રામ મંદિરના દાનની કથિત “ચોરી” મુખ્ય મુદ્દો હતો. વિપક્ષે કેન્દ્રીય ગૃહમંત્રી અમિત શાહ પાસેથી જવાબદારીની પણ માંગ કરી, તેમને સંસદની કાર્યવાહીમાં હાજર રહેવા અને વિરોધ કરી રહેલા વિદ્યાર્થીઓ પર તાજેતરમાં થયેલી પોલીસ કાર્યવાહી માટે જવાબ આપવા કહ્યું. વિરોધ પ્રદર્શન દરમિયાન, પૂર્ણિયાના સાંસદ પપ્પુ યાદવ ભગવા વસ્ત્રોમાં સજ્જ દેખાયા. તેઓ ભક્તો પાસેથી પ્રસાદ એકત્રિત કરતા મંદિરના પૂજારીના વેશમાં હતા. તેમણે અયોધ્યાથી ભગવાન રામની તસવીર પકડી હતી.
