વર્ગ-૧ અને વર્ગ-૨ સહિત વિવિધ ભરતી પરીક્ષાઓ હાલ પૂરતી સ્થગિત, નવી તારીખો બાદમાં જાહેર થશે
Gandhinagar,તા.૨૫
ગુજરાતમાં છેલ્લા કેટલાક દિવસોથી સતત વરસી રહેલા ભારેથી અતિભારે વરસાદ અને અનેક જિલ્લાઓમાં સર્જાયેલી પૂર જેવી પરિસ્થિતિને ધ્યાનમાં રાખીને ગુજરાત જાહેર સેવા આયોગ (ય્ઁજીઝ્ર)એ મહત્વપૂર્ણ નિર્ણય લીધો છે. રાજ્યભરમાં ઉમેદવારોની સુરક્ષા અને સરળ અવરજવર સુનિશ્ચિત કરવા માટે રવિવાર, ૨૬ જુલાઈ ૨૦૨૬ના રોજ યોજાનારી વર્ગ-૧, વર્ગ-૨ સહિત વિવિધ સંવર્ગોની કુલ ૩૪ પ્રાથમિક પરીક્ષાઓ હાલ પૂરતી મોકૂફ રાખવાની સત્તાવાર જાહેરાત કરવામાં આવી છે.
રાજ્યના અનેક વિસ્તારોમાં સતત વરસાદને કારણે રસ્તાઓ પર પાણી ભરાયા છે, નદીઓમાં જળસ્તર વધ્યું છે અને કેટલાક વિસ્તારોમાં વાહનવ્યવહાર પણ પ્રભાવિત થયો છે. અનેક જિલ્લાઓમાં એસ.ટી. બસ સેવાઓમાં વિક્ષેપ અને માર્ગો બંધ થવાના કારણે પરીક્ષા કેન્દ્રો સુધી પહોંચવું ઉમેદવારો માટે મુશ્કેલ બની શકે તેવી સ્થિતિ સર્જાઈ હતી. આ તમામ પરિસ્થિતિને ધ્યાનમાં રાખીને ય્ઁજીઝ્રએ પરીક્ષાઓ મુલતવી રાખવાનો નિર્ણય લીધો છે.
આ નિર્ણયથી હજારો ઉમેદવારોને રાહત મળી છે, કારણ કે વરસાદ અને પૂર વચ્ચે પરીક્ષા આપવા માટે લાંબી મુસાફરી કરવી અનેક ઉમેદવારો માટે જોખમી બની શકે તેમ હતું. રાજ્ય સરકાર અને આયોગે સ્પષ્ટ કર્યું છે કે ઉમેદવારોની સલામતીને પ્રથમ પ્રાથમિકતા આપવામાં આવી છે અને પરિસ્થિતિ સામાન્ય બન્યા બાદ પરીક્ષાનું આયોજન કરવામાં આવશે.
ય્ઁજીઝ્ર દ્વારા જાહેર કરાયેલા પરિપત્ર મુજબ, ૨૬ જુલાઈએ યોજાનારી તમામ ૩૪ ભરતી જાહેરાતોની પ્રાથમિક કસોટીઓ હવે નવી તારીખે લેવામાં આવશે. જોકે, નવી પરીક્ષા તારીખોની જાહેરાત હાલમાં કરવામાં આવી નથી. આ તારીખો આગામી સમયમાં આયોગની સત્તાવાર વેબસાઇટ પર જાહેર કરવામાં આવશે. ઉમેદવારોને નિયમિતપણે સત્તાવાર સૂચનાઓ પર નજર રાખવાની સલાહ આપવામાં આવી છે.
ભારે વરસાદને કારણે રાજ્યના અનેક જિલ્લાઓમાં જનજીવન પ્રભાવિત બન્યું છે. કેટલાક વિસ્તારોમાં શૈક્ષણિક સંસ્થાઓ બંધ રાખવામાં આવી છે, જ્યારે નીચાણવાળા વિસ્તારોમાં પાણી ભરાતા બચાવ અને રાહત કામગીરી પણ ચાલુ છે. આવી સ્થિતિમાં ય્ઁજીઝ્રનો આ નિર્ણય ઉમેદવારોના હિતમાં લેવાયેલો મહત્વપૂર્ણ અને સમયોચિત નિર્ણય માનવામાં આવી રહ્યો છે.
ઉમેદવારોએ કોઈપણ અફવાઓ પર વિશ્વાસ ન રાખવો અને પરીક્ષાને લગતી તમામ માહિતી માટે માત્ર ય્ઁજીઝ્રની સત્તાવાર વેબસાઇટ તથા અધિકૃત જાહેરનામાનો જ આધાર રાખવો જોઈએ.
