Junagadh,તા.20
જુનાગઢ જિલ્લાના મેંદરડા તાલુકા ના ચિરોડા- ગુંદાળી રોડ પર ગઈકાલે એક ગંભીર અકસ્માત સર્જાયો હતો કારના સ્ટેરીંગ પરનું કાબુ ગુમાવતા કાર રોડ ઉપરથી નીચે ઉતરી ધડાકાભેર ઝાડ સાથે અથડાતા જેમ ભાઈ બેનના મોત નીપજ્યા હતા.
જ્યારે મૃતકના પત્ની અને પતિ બંનેને ઈજા થતાં હોસ્પિટલમાં ખસેડવામાં આવ્યા હતા. આ અંગેની વિગત મુજબ ભરતભાઈ ઠાકરશીભાઈ કણથીયા પોતાની ફોરવીલ બ્રેઝા કાર નંબર જીજે03-એમઇ-1946 લઈને જઈ રહ્યા હતા ત્યારે ચિરોડા -ગુંદાળી રોડ પર ભરતભાઈએ સ્ટેરીંગ પરનો આબુ ગુમાવતા કાર રોડ પરથી નીચે ઉતરીઝાડ સાથે ભટકાતા રમણીકભાઈ ગોવિંદભાઈ ચોવટીયા ઉમર 55 સેમવાડા તથા તેમના બહેન કાંતાબેન ભરતભાઈ કળથીયા નું મોત નીપજ્યું હતું. જ્યારે રીનાબેન અને ડ્રાઇવર ભરતભાઈની સ્થિતિ ગંભીર હોવાથી વધુ સારવાર માટે જુનાગઢ હોસ્પિટલમાં ખસેડવામાં આવ્યા છે.
આમ રક્ષાબંધનના પવિત્ર તહેવાર નજીકના દિવસોમાં હોય ત્યારે ભાઈ બહેને દુનિયામાંથી વિદાય લેતા અરેરાટી વ્યાપી જવા પામી છે. અંગેની પોલીસમાં રજનીકાંત વિઠ્ઠલભાઈ ચોવટીયાએ ફરિયાદ નોંધાવતા મેંદરડા પોલીસ ઇન્સ્પેક્ટર વી.એલ. લગધીરે હાથ ધરી છે
