Author: Vikram Raval

Surat,તા.25 સુરતના ડુમસ બીચ પર ટામેટાના ભજીયામાંથી મંકોડા નીકળવાની ઘટનાનો વિવાદ હજુ શમ્યો નથી ત્યાં સુરતમાં હોટલ સંચાલકોની બેદરકારીનો વધુ એક કિસ્સો સામે આવ્યો છે. રાંદેર ઝોન વિસ્તારમાં હોટલોના એઠવાડનો જાહેરમાં જ નિકાલ કરવામાં આવતો હોવાની ફરિયાદથી ગંદકી અને દુર્ગંધની સાથે લોકોના આરોગ્ય સામે પણ જોખમ ઊભું થયું છે. પાલિકાના નિયમ મુજબ હોટલનો એઠવાડ અને વેસ્ટ કોન્ટ્રાક્ટરને સોંપવાનો હોય છે, પરંતુ તેના બદલે જાહેર રસ્તા અને ફૂટપાથ પાસે એઠવાડના ઢગલા ખડકાતા હોવાની ગંભીર ફરિયાદ બહાર આવી છે.સુરતના પુણા વિસ્તારમાં ફૂડ પોઈઝનીંગની ઘટના બાદ પાલિકાના આરોગ્ય વિભાગ દ્વારા હોટલ રેસ્ટોરન્ટમાં સફાઈ અંગે તપાસ કરવામાં આવી રહી છે. જેમાં આટલા દિવસમાં છ…

Surat,તા.25  સુરતીઓના મનપસંદ પિકનિક પોઈન્ટ ડુમસમાં ભજીયાના સ્વાદ સાથે હવે સ્વચ્છતા સામે પણ સવાલ ઊભો થયો છે. ડુમસના જાણીતા પંચવટી ભજીયા કોર્નરમાં ટામેટા ભજીયામાં મકોડો મળી આવ્યો હોવાનો વીડિયો સોશિયલ મીડિયામાં વાયરલ થતાં ચકચાર મચી છે. ગ્રાહકની જાગૃતિથી સામે આવેલી આ ઘટનાને પગલે પાલિકાનો આરોગ્ય વિભાગ પણ હરકતમાં આવ્યો હતો. ટીમે પંચવટી ભજીયા કોર્નર સહિત ડુમસના અન્ય ભજીયા સ્ટોલની તપાસ હાથ ધરી હતી. ખાસ કરીને સુરતમાં તાજેતરમાં બનેલી ફૂડ પોઈઝનિંગની ઘટનાઓ બાદ ખાદ્ય પદાર્થોની ગુણવત્તા અને સ્વચ્છતા અંગે તંત્ર તેમજ ગ્રાહકો સતર્ક બન્યા છે ત્યારે ડુમસના ભજીયામાંથી મકોડો મળી આવવાની ઘટનાએ લોકપ્રિય ખાણીપીણી સ્થળોની સ્વચ્છતા સામે ગંભીર સવાલો ઉભા કર્યા…

Surat,તા.25 સુરતમાં વરસાદ બંધ થયા બાદ શહેરમાં ભુવા પડવાની ઘટનામાં થોડો વિરામ આવ્યો હતો, પરંતુ હવે ફરી એક વખત ભુવા પડવાની શરૂઆત થતાં પાલિકાની કામગીરી સામે સવાલો ઉભા થયા છે. પાલ-હજીરા રોડ પર રાજહંસ એલિટા આગળ મારવેલા હબ પાસે રસ્તાની વચ્ચોવચ મોટું બોગદું પડી જતાં વાહનચાલકો માટે જોખમ ઊભું થયું છે. ખાસ વાત એ છે કે આ વિસ્તારમાં હાલ વરસાદ ન હોવા છતાં ભુવો પડ્યો છે.ગઈકાલે વહેલી સવારથી પાલ-હજીરા રોડ પર મુખ્ય રોડની બાજુમાં એક ભુવો પડ્યો છે. સ્થાનિકોના જણાવ્યા મુજબ, આ સ્થળે ડ્રેનેજ વિભાગ દ્વારા અગાઉ ખોદાણ કરવામાં આવ્યું હતું. કામગીરી પૂર્ણ થયા બાદ ખોદાણમાંથી નીકળેલી માટી અને અન્ય…

Surat,તા.25 દેશભરમાં પ્રધાનમંત્રી નરેન્દ્ર મોદીના આહ્વાન પર ‘એક પેડ મા કે નામ’ અંતર્ગત વ્યાપક વૃક્ષારોપણ ઝુંબેશ ચાલી રહી છે, ત્યારે સુરતના ઉધના ઝોનમાં “વૃક્ષ કાપો, પેનલ્ટી ભરો” જેવો વિવાદાસ્પદ ઘાટ સર્જાયો છે. ઉધના ઝોન વિસ્તારમાં જોગણી માતાના મંદિરથી નવજીવન શોરૂમ તરફ જતા રસ્તા પર આવેલા સાત જેટલા ઘટાદાર વૃક્ષોને સુરત મ્યુનિસિપલ કોર્પોરેશન (SMC)ની કોઈપણ પૂર્વ પરવાનગી વગર જ કાપી નાખવામાં આવ્યા હતા. મળતી માહિતી અનુસાર, ગેરકાયદે રીતે વૃક્ષોનું છેદન કરવા છતાં ઉધના ઝોનના અધિકારીઓએ જવાબદારો સામે કડક કાર્યવાહી કરવાને બદલે માત્ર 90 હજાર રૂપિયાનો દંડ ફટકારીને સંતોષ માન્યો છે. આ વિસ્તારમાં અનેક વૃક્ષો આવેલા છે, પરંતુ આ સાત વૃક્ષો જ…

Vadodara,તા.25  પશ્ચિમ રેલવે દ્વારા મુસાફરોની સુવિધા અને બાંદ્રા ટર્મિનસથી ગોરખપુર વચ્ચે નિયમિત રેલવે કનેક્ટિવિટી ઉપલબ્ધ કરાવવાના હેતુથી બાંદ્રા ટર્મિનસ-ગોરખપુર સ્પેશિયલને નિયમિત કરવામાં આવી છે. હવે આ ટ્રેન બાંદ્રા ટર્મિનસ-ગોરખપુર અમૃત ભારત સાપ્તાહિક એક્સપ્રેસ તરીકે દોડશે.બાંદ્રા ટર્મિનસ-ગોરખપુર સાપ્તાહિક એક્સપ્રેસ દર શનિવારે રાત્રે 9.45 વાગ્યે બાંદ્રા ટર્મિનસથી ઉપડશે અને સોમવારે સવારે 6.45 વાગ્યે ગોરખપુર પહોંચશે. આ ટ્રેનની નિયમિત સેવા 29 ઓગસ્ટ, 2026થી શરૂ થશે.તે જ રીતે ગોરખપુર-બાંદ્રા ટર્મિનસ સાપ્તાહિક એક્સપ્રેસ દર શુક્રવારે સવારે 7.50 વાગ્યે ગોરખપુરથી ઉપડશે અને બીજા દિવસે સાંજે 5.45 વાગ્યે બાંદ્રા ટર્મિનસ પહોંચશે. આ દિશાની નિયમિત સેવા 28 ઓગસ્ટ, 2026થી શરૂ થશે.ટ્રેન બંને દિશામાં બોરીવલી, પાલઘર, વાપી, વલસાડ, સુરત,…

Vadodara,તા.25 બાપોદ પોલીસે આજવારોડ કિશનવાડી પોલીસ ચોકી પાસેથી 4 જુગારીઓને ઝડપી પાડ્યા છે. ભાવેશ સૂર્યકાંતભાઈ, સંજય મનોજભાઈ, આકાશ ચંદ્રકાંતભાઈ અને નરેન્દ્ર રાજેશભાઈ (તમામ રહે. કિશનવાડી) જાહેરમાં જુગાર રમતા હતા. પોલીસે તેમની પાસેથી રોકડા 10,800 રૂપિયાનો મુદ્દામાલ જપ્ત કર્યો છે. વધુ તપાસ હાથ ધરવામાં આવી છે.બાપોદ પોલીસે આજવારોડ કિશનવાડી પોલીસ ચોકી પાસે જુગાર રમતા (૧) ભાવેશ સૂર્યકાંતભાઇ સપકાલ (૨) સંજય મનોજભાઇ ઠાકોર (૩) આકાશ ચંદ્રકાંતભાઇ મોરે તથા (૪) નરેન્દ્ર રાજેશભાઇ મકવાણા ( તમામ રહે. કિશનવાડી) ને ઝડપી પાડયા છે. પોલીસે જુગારીઓ પાસેથી ૧૦,૮૦૦ રૃપિયાનો મુદ્દામાલ કબજે કર્યો છે.

Vadodara,તા.25 વડોદરા જિલ્લાની અનેક જર્જરિત સ્કૂલોના ઓરડા તોડી નાખવામાં આવ્યા છે,પરંતુ ત્યાં નવી સ્કૂલ બનતી નહિ હોવાથી બાળકોની હાલત દયનીય બની જતી હોવાના કિસ્સા જાણવા મળી રહ્યા છે.પ્રાથમિક શિક્ષણ પાછળ લાખોના ખર્ચ વચ્ચે સાવલી તાલુકામાં બહાર આવેલા આવા જ એક કિસ્સામાં ધોરણ-૧થી૫ ના વિદ્યાર્થીઓને નદી કિનારે ખુલ્લામાં બેસીને અભ્યાસ કરવાનો વખત આવ્યો છે.સાવલી તાલુકાના તુલસીપુરા જૂથ પંચાયત ના પેટા પરા ભગાના મુવાડા ગામે શિક્ષણ વ્યવસ્થાની વરવી વાસ્તવિકતા સામે આવી છે,જેમાં ગામની પંચાયત હસ્તકની ધોરણ-૧થી ૫ની શાળા અને આંગણવાડી જર્જરિત હોવાથી દોઢ વર્ષ પહેલાં તોડી નાખવામાં આવી હતી.નવી સ્કૂલ બને ત્યાં સુધી આશરે ૫૦ જેટલા વિદ્યાર્થીઓ માટે ગામની કરડ નદીના કિનારે…

Ahmedabad,તા.25 અમદાવાદના વિક્ટોરિયા ગાર્ડન વિસ્તારમાં ટ્રાફિક સિગ્નલનો ભંગ કરીને પસાર થવા માંગતા એક રિક્ષાચાલકે ફરજ પરના ટીઆરબી જવાન અને પોલીસ કર્મચારી પર હુમલો કર્યો હોવાની ઘટનાનો વીડિયો વાઈરલ થઈ રહ્યો છે. સિગ્નલ બંધ હોવા છતાં પૂરઝડપે આવી રહેલી રિક્ષાને અટકાવવા જતા ચાલકે વાહન સીધું જવાન સાથે અથડાવી દીધું હતું. આ ટક્કરને કારણે રિક્ષાનો કાચ પણ તૂટી ગયો હતો, ત્યારબાદ ઉશ્કેરાયેલા ચાલકે કાયદાનો ડર રાખ્યા વિના મારામારી કરી હતી.પ્રાપ્ત માહિતી અનુસાર, ઈ ટ્રાફિક પોલીસ સ્ટેશનમાં ફરજ બજાવતા અને હાલ વિક્ટોરિયા બીટમાં તહેનાત રાહુલ પટણી સોમવારે બપોરના સમયે સીટી સિવિલ એન્ડ સેશન્સ કોર્ટના પાછળના ગેટ પાસે ટ્રાફિક નિયમનનું કામ કરી રહ્યા હતા.…

Ahmedabad,તા.25 સમગ્ર રાજ્યમાં તહેવારોની શરૂઆત થતાં જ મોંઘવારીની ચક્કીમાં સામાન્ય જનતા પીસાઈ રહી છે અને નેતાઓ મોઢે તાળા મારીને બેસી ગયા હોય તેવી સ્થિતિ સર્જાઈ છે. ખાંડના ભાવ રૂ. 70ને પાર પહોંચી ગયા બાદ હવે સુકામેવાના ભાવમાં તોતિંગ વધારો ઝીંકાયો છે. હાલ પવિત્ર શ્રાવણ માસમાં મહાદેવને પ્રસાદમાં ધરાવાતા ચૂરમાના લાડુથી માંડીને વિવિધ વાનગીઓમાં વપરાતા કિસમિસના ભાવમાં 80%નો વિસ્ફોટક વધારો થયો છે. આ ઉપરાંત બદામમાં 20% અને એલચીમાં 30%નો ભાવ વધારો થતાં એકંદરે સુકોમેવો ગરીબો અને મધ્યમ વર્ગની પહોંચ બહાર જઈ રહ્યો છે. માત્ર સુકોમેવો જ નહીં, પરંતુ લોટ અને તેલ સહિતની દૈનિક જરૂરિયાતની અન્ય ચીજવસ્તુઓ પણ મોંઘી થઈ ગઈ છે.માર્કેટના…

Ahmedabad,તા.25 અમદાવાદ શહેરના રસ્તાઓ પર અડધા કલાકની સામાન્ય મુસાફરી દરમિયાન જ કાળો ધુમાડો ઓકતાં 4 થી 5 વાહનો નજરે પડે છે. આ કાળા ધુમાડાના કારણે વિહિકલ પાછળ ચાલતા બાઇકચાલકોના શ્વાસમાં સીધો ઝેરી વાયુ જાય છે, જે શહેરીજનોના આરોગ્ય સામે ગંભીર ખતરો ઊભો કરી રહ્યો છે. ‘સ્મોકિંગ વાહનો’ અને કોર્પોરેશનના કચરો ઉપાડતાં વાહનો દ્વારા ઓકવામાં આવતા ધુમાડાને કારણે અમદાવાદનું વાર્ષિક PM10 સ્તર વર્ષ 2025-26માં વધીને 101 માઇક્રોગ્રામ પ્રતિ ઘનમીટર નોંધાયું છે. રાષ્ટ્રીય ધોરણ મુજબ વાર્ષિક PM10 ની મર્યાદા 60 માઇક્રોગ્રામ હોવી જોઇએ, જેની સરખામણીએ અમદાવાદનું પ્રદૂષણ સ્તર 68 ટકા વધુ છે.વાહનોની સતત વધતી સંખ્યા વાયુ પ્રદૂષણની સમસ્યાને વધુ વિકટ બનાવી રહી…