(મિલાપ રૂપારેલ) Amreli, તા.4
લાઠીના હનીટ્રેપ ગુન્હામાં ગુન્હાહિત ઇતીહાસ ધરાવતા આરોપીઓને પકડી પાડતી લાઠી પોલીસ સ્ટેશનની સર્વેલન્સ ટીમે ઝડપી લેવામાં સફળતા મેળવી છે.
કુકાવાવ-વડીયા તાલુકાના દડવા (રાંદલના) ગામે રહેતા વિઠ્ઠલભાઇ ખોડાભાઇ ટાઢાણી નામના ખેડુત ગત તા.15/7 ના રોજ સવારના પોણા અગ્યારેક વાગ્યાથી બપોરના સાડા બારેક વાગ્યા દરમિયાન પોતાનુ મોટર સાયકલ લઈને તેમની દિકરીની તબીયત પુછવા માટે થઇ દામનગર મુકામે જતા હતા. ભુરખીયા ગામે આવેલ ગેટ પાસે આવતા ફોરવ્હીલ કારમાં બેસાડી અપહરણ કરી લઈ જઈ અને અને બીજા બે આરોપીઓએ ખેડૂતને ઢીકાથી માર મારી અને બળાત્કારના કેસમાં ફસાવી રૂપિયા 2,50,000ની ખંડણી માંગી ખેડૂતના મોબાઈલના ગુગલપે એપ્લીકેસન મારફતે રૂપિયા 58,000 આરોપીએ બળજબરીથી પોતાના મોબાઈલમાં સ્કેનર મારફતે ટ્રાન્સફર કરી લીધેલ હતા.
જે અંગે જે તે સમયે લાઠી પોલીસ સ્ટેશનમાં ફરિયાદ નોંધાય હતી. લાઠી પોલીસ સ્ટેશન પોલીસ ઈન્સપેક્ટર એમ.બી.એસુરાના માર્ગદર્શન હેઠળ લાઠી પોલીસ સ્ટેશનની ટીમ દ્રારા સુરતના, વૈદનગરી બિલ્ડીંગ નં.5, રૂમ નં.401, નનસાડ, કામરેજ ખાતે રહેતા ઘનશ્યામ ઉર્ફે શ્યામ ધીરુભાઈ લાઠીયા (મુળ સમઢીયાળા (પટ્ટી) તા.મહુવા જી.ભાવનગર) તથા સુરત ખાતે મકાન નં.165, બરોડા પ્રેસ્ટીજ, વિષ્ણુવિહારની બાજુમાં, લંબે હનુમાન રોડ, વરાછામાં રહેતા નિલેશભાઈ અશોકક્ભાઈ ગૌસ્વામી (મુળ સાવરકુંડલા, મધુવન સોસાયટી, જેસર રોડ) તથા સુરતખાતે, મકાન નં.ડી-302, હંસદેવ સોસાયટી, વૈદનગરની બાજુમાં, કામરેજમાં રહેતા રાજેશભાઇ ઉર્ફે રાજુ ભીખાભાઈ કાથરોટીયા (મુળચલાલા, સ્ટેશન રોડ તા.ધારી) તેમજ સુરતના, ભગુનગર સોસાયટી, સાપરા ભાઠા રોડ, અમરોલી ખાતે રહેતી હેતલબેન નરેશભાઈ સોરઠીયા (મુળ અમરેલીના નવા ગીરીયા, એરપોર્ટની બાજુમાં) ચારે’ય આરોપીઓને ગુન્હાના કામે જે ફોરવ્હીલ કારનો ઉપયોગ કરેલ હોય જે કારના નંબર તથા CCTV ફુટેજથી મેળવી ગુન્હો ડીટેક્ટ કરી આરોપીઓ માત્ર વોટસએપ કોલથી એકબીજા સાથે વાતચીત કરતા હોય ટેક્નીકલ સર્વેલન્સની મદદથી ભાવનગર તથા અમદાવાદ શહેર પોલીસની મદદથી આરોપીઓને પકડી રોકડા રૂપીયા 58000, તથા મોબાઈલ ફોન નંગ-4 જેની કિમત રૂપિયા 40000 સહિતના મુદ્દામાલની રિક્વરી કરવામાં આવેલ છે.
આ કામના પકડાયેલ ત્રણેય આરોપીઓ સુરત શહેરથી અલગ-અલગ જીલ્લામાં મહીલા સાથે સંપર્ક કેળવી તેને અમુક રકમ આપી હનીટ્રેપમાં મહિલાનો ઉપયોગ કરીને અલગ-અલગ વ્યક્તિઓને હનિટ્રેપનો ભોગ બનાવી બળજબરીથી નાણાની ખંડણી ઉઘરાવી ગુન્હાઓ આચરતા હતા.
