શાપર, ગોંડલ, લોધિકા, કોટડાસાંગાણી, જેતપુર, સુલતાનપુર, ભાયાવદર અને વિંછીયામાં પોલીસ ત્રાટકી : રૂ. 5.23 લાખનો મુદ્દામાલ કબ્જે
Rajkot,તા.20
રાજકોટ ગ્રામ્ય જિલ્લામાં સર્વત્ર શ્રાવણીયા જુગારધામ ધમધમ્યા હોય તેમ પોલીસે એક જ દિવસમાં 11 દરોડા પાડી 62 ખેલીઓની રૂ. 5.23 લાખના મુદ્દામાલ સાથે ધરપકડ કરી હતી. જયારે ફરાર થઇ ગયેલા પાંચ જુગારીઓની શોધખોળ આદરી હતી.
ઉપલેટાના અરણી ગામે પ્લોટ વિસ્તારમાં નારણ કાંધાભાઈ ખાંભલાના માલ ઢોર બાંધવાના વાડા પાસે અમુક શખસો જુગાર રમી રહ્યા છે. પોલીસે બાતમીના આધારે દરોડો પાડતા જુગાર રમતા નારણ કાંધાભાઈ ખાંભલા, આમદ ઉર્ફે કવો કાસમભાઈ નોઈડા(રહે ખીરસરા ગામ), પંકજ ગાગજીભાઈ સખીયા, ઉમેશ અમરશીગભાઈ લખતરિયા(બંને રહે અરણી ગામ)ને રોકડ, મોબાઈલ, મોટરસાયકલ સહિત રૂ.૧,૫૭,૪૭૦નો મુદામાલ સાથે પકડી જુગારધારા કલમ હેઠળ ગુનો નોધી કાર્યવાહી કરી હતી જેતપુરના અમરાપર ગામની સીમમાં મનસુખભાઈ રણછોડભાઈ કયાડાના ખેતરના સેઢા પાસે જાહેરમાં જુગાર રમતા ભીખુ મગનભાઈ કુવારદા, દલસુખ નારણભાઈ ઉંધાડ, રવજી ભીખાભાઈ પરમાર, ભરત હરસુખભાઈ મકવાણા, શામજી કાળુભાઈ કુવારદા, ધીરુ નાગજીભાઈ જોટાણીયા અને રોહિત મધુભાઈ પીલુકિયાની ધરપકડ કરી જુગારના પટમાંથી 12,130 ની રોકડ કબજે કરી હતી. દેરડીધાર આવાસ યોજના ક્વાર્ટર નજીક સ્ટ્રીટ લાઈટના અજવાળે પત્તા ટીચતા ભાવિક કિશોરભાઈ પરમાર, અયાજ હાજીભાઈ ઠાસરીયા, નઈમ અશરફભાઈ મારફતિયા, વસીમ યુનુસભાઇ ગાંધી, એજાજ અમીનભાઈ લાખાણી, વત્સલ સંજયભાઈ સુચર, આયુષ નીતિનભાઈ ગોસાઈ, તુફેલ મુસાભાઇ ખેડારા અને અફઝલ રફિકભાઈ શાહમદારની ધરપકડ કરી જુગારના પટમાંથી 11, 500 ની રોકડ જપ્ત કરી હતી. ગોંડલ તાલુકા સડક પીપળીયા ગામે લીયોન સ્ટીલ કંપની પાસે જાહેરમાં જુગાર રમતા પાંચ શખસોને ઝડપી લીધા હતા જેમાં વિરેન્દ્ર રાજભર, ધર્મેન્દ્ર ભારતી, સુનીલ રાજભર, બિરજુ બીંદ, અશ્વિન ભીલનો સમાવેશ થાય છે પોલીસ પટમાંથી રોકડ રૂપિયા 4,060 કબજે કર્યા હતા. લોધિકા પોલીસ મથકના સાથે સાંગણવા ગામ છેવાડાની શેરીમાં સ્ટ્રીટ લાઈટના અજવાળે જુગાર રમતા છ શખસોને ઝડપી લીધા હતા. જેમાં મનોજ દાફડા, કિશોર બગડા, જયદીપ રાખૈયા, કાનજી મકવાણા, ખોડા ખીમસુરીયા અને રવિ રાખૈયાનો સમાવેશ થાય છે. પોલીસે પટમાંથી રોકડ રકમ અને મોબાઈલ સહિત રૂપિયા 1.05 લાખનો મુદ્દામાલ કબજે કર્યો હતોકોટડા સાંગાણીના વાદીપરા ગામે જાહેરમાં જુગાર રમતા પ્રકાશ મકવાણા, પરબત માયાણી, મુકેશ વાઘેલા, વિપુલ માયાણી, મનસુખ બારૈયાનો સમાવેશ થાય છે. પોલીસે પટમાંથી રોકડ રકમ અને મોબાઇલ સહિત 30,320 નો મુદ્દામાલ કબજે કર્યો હતો. વીંછિયા પોલીસ મથકના સ્ટાફે સમઢીયાળા ગામની સીમમાં વાડીની બાજુમાં જુગાર રમાઈ રહ્યો હોવાની બાતમીના આધારે દરોડો પાડ્યો હતો. પોલીસ અહીં પહોંચતા નાસભાગ મચી જવા પામી હતી પોલીસે અહીં જુગાર રમતા અલ્પેશ જાદવભાઈ મીઠાપરાની ઝડપી લીધો હતો. જ્યારે પાંચ શખસો નાસી ગયા હતા જેમાં દિનેશ નડાળા, ગભરું નડાળા, બુધા મીઠાપરા, શૈલેષ મીઠાપરા, પ્રેમજી ગોહિલનો સમાવેશ થાય છે પોલીસે પટમાંથી રોકડ રકમ બે વાહન સહિત 35,450 નો મુદ્દામાલ કબજે કર્યો હતો.શાપર વેરાવળ ગંગા ફોરજ ગેટ અંદર તળાવ પાછળ આવેલા ઇન્ડસ્ટ્રીઝ એરિયામાં જુગાર રમતા કાસીમ બિહના, અભિષેક અહેરવાલ, ધર્મેન્દ્ર લોધી, સંતોષકુમાર પ્રસાદ, રામશંકર લોધી અને અરુણ જાદવનો સમાવેશ થાય છે પોલીસે પટમાંથી રોકડ રકમ અને મોબાઈલ સહિત 46,460 નો મુદ્દામાલ કબજે કર્યો હતો.
જેતપુર તાલુકા અમરનગર ગામે જુગાર રમતા ધર્મેશ આલાણી, રવજી સાવલિયા, સાગર વાઘમસિંહ અને પાર્થ ખુટનો સમાવેશ થાય છે. પોલીસે પટમાંથી રોકડ રૂપિયા 2,050 કબજે કર્યા હતા. જ્યારે જેતપુર સીટી પોલીસ મથકના સ્ટાફે દેસાઈવાડી શેરી નંબર 5 માં રહેતા રવજી ઉર્ફે ચીનો મોતીભાઈ સોલંકીના મકાનમાં દરોડો પાડી અહીં જુગાર રમતા રવજી ઉપરાંત દિનેશ રાવલ, વિજય ચાવડા, અશ્વિન સાવલિયા, સંજય સુબા અને વિપુલ ભૂત સહિત છ શખસોને ઝડપી લઇ રૂ.23,940 નો મુદ્દામાલ કબજે કર્યો હતો.વાસાવડ ગામેથી જુગાર રમતા વિજય મૂળિયા લાલજી ભાખોત્રા, ચેતન પરમાર, ગોપાલ સરવૈયા, અરવિંદ સરવૈયા, ભરત સરવૈયા, ગોપાલ ભાખોત્રા અને કિશન બાવળિયાનો સમાવેશ થાય છે. પોલીસે પટમાંથી રોકડ રૂપિયા 55,350 તથા આઠ મોબાઈલ સહિત રૂપિયા 95,350 નો મુદ્દામાલ કબજે કર્યો હતો.
