(મિલાપ રૂપારેલ) Amreli, તા.18
અમરેલીના ધારીમાં સ્કૂલ બસનો અકસ્માત સર્જાયો છે. જેમાં ધારીના ગોપાલગ્રામર્ ંઁઢ હાઈસ્કૂલની બસ વિદ્યાર્થી લઈને જતી વખતે અકસ્માત નડ્યો હતો. બસ રસ્તા પરથી નીચે ઉતરી જતાં ૮થી વધુ વિદ્યાર્થીઓને સામાન્ય ઈજા પહોંચી હતી. ઈજાગ્રસ્ત વિદ્યાર્થીઓને સારવાર અર્થે ચલાલા સરકારી હોસ્પિટલ ખસેડવામાં આવ્યા હતા. સદનસીબે મોટી દુર્ઘટના ટળી હતી.
મળતી માહિતી મુજબ, ધારીમાં વિદ્યાર્થી ભરેલી સ્કૂલ બસ ચલાલાથી ગોપાલગ્રામ તરફ જઈ રહી હતી. આ દરમિયાન બસના સ્ટેયરિંગનો રૉડ તૂટી જતાં બસચાલકે કાબૂ ગુમાવ્યો હતો અને બસ માર્ગ પરથી નીચે ઉતરી ગઈ હતી.
અકસ્માતની જાણ થતાં પોલીસ ઘટનાસ્થળે પહોંચી હતી. જ્યારે ઈજાગ્રસ્ત વિદ્યાર્થીઓને ચલાલા સરકારી હોસ્પિટલમાં સારવાર આપવામાં આવી હતી. સ્કૂલ બસ દુર્ઘટનાને લઈને સ્થાનિક ધારાસભ્ય હોસ્પિટલ પહોંચ્યા હતા. સદનસીબે આ બનાવમાં મોટી દુર્ઘટના ટળી હતી.
