(જીજ્ઞેશ પટેલ દ્વારા)
Manavadar તા.૬
Manavadar પંથકમાં ભગવાન શિવ પ્રત્યેની અતૂટ આસ્થાનો એક અનોખો કિસ્સો સામે આવ્યો છે. સ્થાનિક રહીશ મનીષભાઈ નારાયણભાઈ મરાંઢે હરિદ્વારથી માણાવદર સુધીની આશરે સેંકડો કિલોમીટર લાંબી પદયાત્રા સફળતાપૂર્વક પૂર્ણ કરીને એક અદ્ભુત ઉદાહરણ પૂરું પાડ્યું છે.
પોતાની આ શ્રદ્ધાપૂર્ણ યાત્રા વિશે વિગતો આપતા મનીષભાઈએ જણાવ્યું હતું કે, તેઓ સૌપ્રથમ Manavadarથી ટ્રેન મારફતે હરિદ્વાર પહોંચ્યા હતા. ત્યાંથી પવિત્ર ગંગાજળની કાવડ ભરીને તેમણે પગપાળા પોતાની ઘરતરફની યાત્રા શરૂ કરી હતી. આ લાંબી પદયાત્રા દરમિયાન રસ્તામાં આવતા સોમનાથ મહાદેવ સહિતના વિવિધ પ્રખ્યાત અને પવિત્ર ધાર્મિક સ્થળોના દર્શન અને આશીર્વાદ લેતા લેતા તેઓ આગળ વધ્યા હતા.
કઠિન ગણાતી આ કાવડ યાત્રા પૂર્ણ કરવા માટે તેમને ૩ મહિના અને ૧૬ દિવસ જેટલો સમય લાગ્યો હતો. અડગ મન અને શ્રદ્ધા સાથે માણાવદર પરત ફરેલા મનીષભાઈના માણાવદર ખોડીયાર મંદિર દ્વારા ભવ્ય સ્વાગત કરવામાં આવ્યું હતું. માણાવદર પહોંચીને તેમણે પવિત્ર ગંગાજળ વડે અહીંના સુપ્રસિદ્ધ માનેશ્વર દાદા (મહાદેવ) નો જળાભિષેક કર્યો હતો, જેની સાથે જ આ આધ્યાત્મિક અને ભવ્ય પદયાત્રાનું સમાપન થયું હતું. તેમની આ ભક્તિ જોઈને સમગ્ર પંથકના શિવભક્તોમાં હર્ષની લાગણી વ્યાપી ગઈ છે.
