યુવાને પર્સનલ લોન, મોર્ગેજ લોન, સગા સંબંધીઓ પાસેથી નાણાં મેળવી ઠગને રૂ. 7.73 કરોડ આપ્યા : મિત્રોએ પણ રૂ. 1.88 કરોડનું રોકાણ કર્યું
ગઠીયાએ રૂ. 3.61 કરોડનું વળતર ચૂકવી બાકીના નાણાંનું બુચ મારી દીધું : યુની. પોલીસે હાર્દિક તન્ના વિરુદ્ધ જીપીઆઈડી એક્ટ હેઠળ ગુનો નોંધ્યો
Rajkot,તા.20
શહેરમાં રોકાણ કરી 10% વળતર મેળવવાની લ્હાયમાં 11 લોકો સાથે કરોડોની છેતરપિંડી આચરી લેવામાં આવી છે. હાર્દિક તન્ના નામના શખ્સે ડેબિટ કાર્ડ પર પ્રિએપ્રુવ્ડ લોનના ધંધામાં રોકાણ કરી 10% વળતર આપવાની લાલચે સાળાના મકાન માલિકને ફસાવી રૂ. 2.70 કરોડ મેળવી લીધા હતા. જેની સામે વળતર ચૂકવી હાર્દિક તન્નાએ વિશ્વાસ સંપાદન કરતા યુવાને સગા સંબંધીઓ પાસેથી રૂ. 5.03 કરોડ મેળવી ઠગને આપ્યા હતા. જયારે યુવાનના મિત્રોએ પણ રૂ. 1.88 કરોડનું રોકાણ કર્યું હતું.
રાજકોટના કોઠારીયા રોડ પર આનંદનગર કોલોની બ્લોક નં.-31 માં રહેતા સાગરભાઇ રાજેશભાઈ મોરવાડીયા નામના યુવાને આરોપી તરીકે હાર્દિક તુલસીદાસભાઈ તન્ના (રહે. ગોલ્ડન પોરટિક ટાવર, ડી-1002, માધાપર ચોકડી, રાજકોટ)નું નામ આપતાં યુનિવર્સીટી પોલીસે ગુનો નોંધી તપાસ આદરી હતી. શ્રી હરી ઇન્ડ. એરિયામાં શિવમ એન્ટરપ્રાઈઝ નામે હાર્ડવેરનું કારખાનું ધરાવતો હતો. મરે આઈસીઆઈસીઆઈ અમે કોટક બેંકમાં એકાઉન્ટ છે. જયારે મારી પાસે અલગ અલગ નવ બેંકના ક્રેડિટ કાર્ડ છે. ગઇ તા.૨૨/૦૧/૨૦૨૨ અમારા મકાનમા નૈમિષભાઈ નગદીયા ભાડેથી રહેતા હતા. નૈમિષભાઇ નગદીયાના સગા બનેવી હાર્દિક તુલસીદાસભાઈ તન્ના અવારનવાર તેમના ઘરે આવતા હોવાથી તેની સાથે પરિચય થયો હતો. મારે આ હાર્દિક તન્ના સાથે પરીચય થયેલ હતો. ત્યારે હાર્દિક તન્ના ફર્નિચરની દુકાનમાં નોકરી કરતો હતો. વર્ષ 2022 ના ઓક્ટોબર મહિનામાં હાર્દિકે મારી પાસે રૂ. 1 લાખ ઉછીના માંગ્યા હતા પણ મે ના પાડી દીધી હતી. ત્યારે હાર્દિક તન્નાએ વાત કરેલ કે, હું ફર્નિચરની દુકાનમાં નોકરીની સાથોસાથ ડેબિટકાર્ડ પર પ્રિએપ્રુવ્ડ લોનનું કામ પણ કરુ છું. બાદ ડેબીટકાર્ડ ઉપર પ્રિએપૂવ લોન અંગેની વિગતવારની સ્કીમ સમજાવેલ હતી. તેણે કહેલ કે, ડેબીટ કાર્ડ ઉપર પ્રિએપ્રુવ લોન થાય છે, જેમા કોઇને વસ્તુ ના લેવી હોય અને રોકડા રૂપીયાની જરૂરત હોય તો લોનની રકમના ૮૦% રોકડા કસ્ટમરને આપવાના અને ૨૦% મારૂ કમિશન થાય છે. જો તમે મને 80 હજાર રોકાણ અર્થે આપો તો હું તમને દસ દિવસમાં 10% વળતર સાથે 90 હજાર ચૂકવીશ તેમ જણાવતા મે હાર્દિક તન્નાને પ્રથમ રૂ. 80 હજાર આપેલ હતા. દસ દિવસ બાદ અત્યારે ધંધામાં સારુ વળતર મળે છે, જેથી તમે પણ 20% વળતર રાખો તેમ કહી હાર્દિકે રૂ. 1 લાખ મને પરત આપેલ હતા. બાદ મે દોઢ લાખ આપતાં દસ દિવસ પછી હાર્દિકે 20% વળતર સાથે રૂ. 1.80 લાખ પરત આપતા મને વિશ્વાસ બેસી ગયો હતો. હાર્દિકે કહેલ કે, મારે ધંધામાં હમણાં વધુ નાણાંની જરૂરિયાત હોવાથી તમને હમણાં હું દર મહિને માત્ર 10% વળતર ચૂકવીશ, તમારી મૂડી મારી પાસે જમા રહેશે. હાર્દિકે વધુ રોકાણ કરવાનું કહેતા યુવાને કોટક બેંકમાંથી રૂ. 3 લાખની, આઈડીએફસી બેંકમાંથી રૂ. 1.20 લેકખ, આઈસીઆઈસીઆઈ બેંકમાંથી રૂ. 4.53 લાખ મળી કુલ રૂ. 9.06 લાખની પર્સનલ લોન અને આઈસીઆઈસીઆઈ બેંકમાં મકાન મોર્ગેજ કરી રૂ. 7 લાખ હાર્દિકને આપેલ હતા. બાદ પ્રિફર નામની એપ્લિકેશનમાંથી રૂ.1.80 લાખની લોન મેળવી તેમજ મારી બચતના નાણાં મળી કુલ રૂ. 2,70,03,791 હાર્દિક તન્નાને રોકાણ પેટે આપેલ હતા. યુવાને રૂ. 7.73 કરોડનું રોકાણ કર્યું, સામે રૂ. 3.61 કરોડનું વળતર મળ્યું
