Author: Vikram Raval

Narmada,તા.૧૨ નર્મદા જિલ્લાના સાગબારા તાલુકામાં જંગલ જમીનના હકનો મુદ્દો ફરી ચર્ચાના કેન્દ્રમાં આવ્યો છે. તાલુકાના ખોપી, હલ ગામ, પાડી સહિત આશરે ૧૨ ગામોના આદિવાસી ખેડૂતો દ્વારા જંગલ જમીનના હક માટે છેલ્લા કેટલાક દિવસોથી ધરણાં પ્રદર્શન કરવામાં આવી રહ્યું છે. તા.૧૨ ઓગસ્ટે આ આંદોલન પાંચમા દિવસે પણ યથાવત રહ્યું છે સાગબારા પંથકમાં વરસાદી માહોલ વચ્ચે પણ ખેડૂતો અને આદિવાસી આગેવાનો  ધરણાં સ્થળેથી હટ્યા નથી. જંગલ જમીન પર ખેતી કરવાનો હક અને પોતાના હક્કોની માંગ સાથે તેઓ અહિંસક રીતે આંદોલન કરી રહ્યા છે. ખેડૂતોનું કહેવું છે કે જ્યાં સુધી તેમની માંગ અંગે યોગ્ય નિર્ણય નહીં આવે ત્યાં સુધી ધરણાં ચાલુ રાખવામાં આવશે.…

Bhavnagar,તા.૧૨ ભાવનગરની સમરસ છાત્રાલયમાં રહેતી વિદ્યાર્થિનીઓએ ભોજન અને હોસ્ટેલની વિવિધ વ્યવસ્થાઓ સામે ગંભીર આક્ષેપો સાથે વિરોધ નોંધાવતા તંત્રમાં દોડધામ મચી ગઈ છે. ૧૧ ઓગસ્ટના રોજ વિદ્યાર્થિનીઓએ ભોજનની ગુણવત્તા, પીવાના પાણી, સ્વચ્છતા અને સુરક્ષા સહિતના મુદ્દાઓને લઈને રજૂઆત કરી હતી. વિદ્યાર્થિનીઓનો આક્ષેપ છે કે હોસ્ટેલમાં  આપવામાં આવતા ભોજનની ગુણવત્તા લાંબા સમયથી નબળી છે અને ભોજનમાં અવારનવાર વાંધાજનક વસ્તુઓ જોવા મળે છે. વિદ્યાર્થિનીઓના જણાવ્યા મુજબ છેલ્લા ૪થી ૫ મહિનાથી ભોજનમાં કીડા-મકોડા, સિગારેટ અને પ્લાસ્ટિક જેવી વસ્તુઓ મળી આવતી હોવાના બનાવો સામે આવ્યા છે. નાસ્તા અને ભોજન માટે ઉપયોગમાં લેવાતી પ્લેટ તથા ગ્લાસ પણ યોગ્ય રીતે સાફ કરવામાં આવતા ન હોવાનો આક્ષેપ કરવામાં…

Junagadh,તા.૧૨ જૂનાગઢ જિલ્લામાં વરસાદ ખેંચાતા વંથલી પંથકના ખેડૂતોની મુશ્કેલી વધી છે. ચોમાસાની શરૂઆતમાં સારા ઉત્પાદનની આશાએ મગફળીનું વાવેતર કરનારા ખેડૂતો હવે પાક નિષ્ફળ જતાં ભારે નુકસાનીનો સામનો કરી રહ્યા છે. મગફળીના પાકમાં પીળીયો, સુકારો અને અન્ય રોગોના ઉપદ્રવથી ઊભો મોલ સુકાઈ જતાં કેટલાક ખેડૂતો ખેતરમાં રાપ ફેરવી પાક કાઢી રહ્યા છે, જ્યારે કેટલાક ખેડૂતો પાકને સળગાવવા સુધી મજબૂર બન્યા છે. ખેડૂતોના જણાવ્યા મુજબ, મોંઘા બિયારણ, ખાતર અને દવાઓ પાછળ વીઘાદીઠ હજારો રૂપિયાનો ખર્ચ કર્યા બાદ પણ પાકને બચાવી શકાયો નથી. વારંવાર દવાનો છંટકાવ કરવા છતાં રોગચાળો કાબૂમાં ન આવતા ખેડૂતોની મુશ્કેલી વધી છે. વંથલી પંથકમાં ચોમાસાની શરૂઆતમાં મગફળીનું વાવેતર કરવામાં…

Palanpur,તા.૧૨ બનાસકાંઠાના જૂના ડીસા ખાતે પ્રસ્તાવિત ડેઝર્ટ ઝૂઓલોજિકલ પાર્ક  અને નાઇટ સફારી પ્રોજેક્ટને સેન્ટ્રલ ઝૂ ઓથોરિટીની મંજૂરી મળી છે. ગુજરાત વન વિભાગ દ્વારા વિકસાવવામાં આવનાર આ પ્રોજેક્ટને વન્યજીવ સંરક્ષણની સાથે ઇકો-ટૂરિઝમને પ્રોત્સાહન આપતી મહત્વપૂર્ણ પહેલ તરીકે જોવામાં આવી રહ્યો છે. વન અને પર્યાવરણ મંત્રી અર્જુન મોઢવાડિયાના જણાવ્યા મુજબ, ડીસાના જૂના વિસ્તારમાં આશરે ૧૦૩ હેક્ટર જમીનમાં રૂ.૫૪૨.૧૪ કરોડના અંદાજિત ખર્ચે આ પ્રોજેક્ટ વિકસાવવામાં આવશે. પ્રોજેક્ટનું આયોજન સેન્ટ્રલ ઝૂ ઓથોરિટીની માર્ગદર્શિકાઓને ધ્યાનમાં રાખીને કરવામાં આવ્યું છે. મંજૂરી મળ્યા બાદ હવે આ મહત્વાકાંક્ષી પ્રોજેક્ટને આગળ વધારવાનો માર્ગ વધુ સ્પષ્ટ બન્યો છે. વન અને પર્યાવરણ રાજ્યમંત્રી પ્રવીણ માળીના જણાવ્યા મુજબ ડીસામાં બનનાર આ ઝૂ…

Gandhinagar,તા.૧૨ ગુજરાતમાં ચાંદીપુરા વાયરસનો કટોકટીભર્યો કહેર સતત વધી રહ્યો છે. રાજ્યમાં સંક્રમણ અને તેનાથી થતા મોતનો સિલસિલો થમવાનું નામ નથી લઈ રહ્યો. તાજેતરમાં મહીસાગર જિલ્લાના કડાણા ખાતે એક ૭ વર્ષીય બાળકીનું તેમજ ગાંધીનગરના સોનીપુરામાં પણ એક ૭ વર્ષીય બાળકીનું ચાંદીપુરા વાયરસના કારણે કરૂણ મોત નિપજ્યું છે. આ નવા કિસ્સાઓ સાથે રાજ્યમાં ચાંદીપુરા વાયરસથી જીવ ગુમાવનારા દર્દીઓની કુલ સંખ્યા ૨૭ સુધી પહોંચી ગઈ છે. ગાંધીનગર જિલ્લામાં ચાંદીપુરા વાયરસનો પંજો વધુ મજબૂત બની રહ્યો હોય તેમ જણાાઈ રહ્યું છે. સોનીપુર ગામના સીમ વિસ્તારમાં રહેતી ૭ વર્ષીય બાળકીને ગત ૬ ઓગસ્ટે અચાનક ખેંચ આવવા સાથે મગજના તાવના લક્ષણો દેખાયા હતા. સ્થિતિ ગંભીર જણાતાં…

Gandhinagarતા.૧૨ ગુજરાત સરકારે રાજ્યના સ્થાનિક સ્વરાજ્ય અને સામુદાયિક વિકાસને વધુ વેગ આપવા માટે બે અત્યંત મહત્વના નિર્ણયો લીધા છે. સામાન્ય વહીવટ વિભાગ દ્વારા આ અંગેના જરૂરી ઠરાવો બહાર પાડીને જિલ્લા પંચાયતો અને જિલ્લા કલેક્ટરોને ફાળવવામાં આવતી ગ્રાન્ટની નીતિમાં સુધારા-વધારા કરવામાં આવ્યા છે. સ્થાનિક અગ્રતા ધરાવતા સામુદાયિક વિકાસના કામો ઝડપથી પૂર્ણ થઈ શકે તે હેતુથી સરકાર દ્વારા જિલ્લા પંચાયત માટે વાર્ષિક રૂપિયા ૩ કરોડની ગ્રાન્ટ આપવાની જોગવાઈ કરવામાં આવી છે. સામાન્ય વહીવટ વિભાગના ઠરાવ મુજબ આ ગ્રાન્ટના આયોજન માટે નવનિયુક્ત જિલ્લા પંચાયત પ્રમુખે પોતાની ટર્મના પ્રથમ બે વર્ષ દરમિયાન વાર્ષિક ૩ કરોડ લેખે વિકાસકામોનું આયોજન કરવાનું રહેશે. જિલ્લા પંચાયત પ્રમુખની કુલ…

Vadodara,તા.૧૨ વડોદરાના ઉંડેરા ખાતે એક અત્યંત દુઃખદ ઘટના સામે આવી છે, જ્યાં ૩૧ વર્ષીય પરિણીતા સીમાએ સાસરીયાઓના અસહ્ય ત્રાસથી કંટાળીને ગળેફાંસો ખાઈ આપઘાત કરી લીધો છે. આપઘાત કરતા પહેલા મૃતકે પોતાના ડાબા પગ પર હિન્દીમાં સુસાઇડ નોટ લખી હતી કે, “મેં જા રહી હું દુનિયા સે, પતિ અપને ઘરવાલો કો ખુશ રખે, મેં સહન નહીં કર પાઈ.” પરિવારજનોના આક્ષેપ મુજબ, મે-૨૦૨૬માં પ્લોટ ખરીદવા માટે ૨ લાખ રૂપિયાના દહેજની માંગણી કરીને તેને શારીરિક અને માનસિક રીતે ત્રાસ આપવામાં આવતો હતો. ઘટનાના એક દિવસ અગાઉ જ આરોપી પતિએ મૃતકના ભાઈને ફોન રિપેર કરાવી આપવા બાબતે જીવથી મારી નાખવાની ધમકી પણ આપી હતી.…

(દિનેશ જોશી દ્વારા) Kodinar તા.૧૨ કોડીનારમાં રાષ્ટ્રીય સ્વયંસેવક સંઘ દ્વારા અખંડ ભારત સંકલ્પ દિનની ઉજવણી નું આયોજન કરવામાં આવ્યું છે. તારીખ ૧૪ ઓગસ્ટના રોજ સાંજે ૫૩૦ કલાકે જંગલેશ્વર મહાદેવ મંદિરના પટાંગણમાં કાર્યક્રમ યોજાશે.દેશભક્તિના ગીતો સાથે રાષ્ટ્રભાવના ઉજાગર થશે.સેંકડો લોકો આ કાર્યક્રમમાં ઉપસ્થિત રહેશે. ૧૯૪૭માં ભારતના થયેલા વિભાજન અને તે દરમિયાન થયેલી ખુવારીના સ્મરણ સાથે અખંડ ભારત પ્રત્યેની રાષ્ટ્રભાવનાને ઉજાગર કરવાના હેતુથી આ કાર્યક્રમનું આયોજન કરવામાં આવ્યું છે.કાર્યક્રમમાં મુખ્ય વક્તા તરીકે મેહુલભાઈ ઉપાધ્યાય (કુટુંબ પ્રબોધન સંયોજક, સોમનાથ જિલ્લો) માર્ગદર્શન આપશે.જ્યારે વિશેષ અતિથિ તરીકે કે. વી.બારડ સાહેબ (આર્ટ ઓફ લિવિંગ, સોમનાથ જિલ્લા કોઓર્ડિનેટર) ઉપસ્થિત રહી માર્ગદર્શન આપશે.આ કાર્યક્રમમાં કોડીનાર શહેર, તાલુકા તથા…

(મિલાપ રૂપારેલ દ્વારા) Amreli તા.૧૨ અમરેલી પોલીસ અધિક્ષક સંજય ખરાતની સૂચના હેઠળ અમરેલી જિલ્લામાં ખાદ્ય પદાર્થોમાં ભેળસેળની પ્રવૃત્તિ સામે કડક કાર્યવાહી કરવામાં આવી રહી છે. જેના ભાગરૂપે અમરેલી  ટીમે સાવરકુંડલા ટાઉન પોલીસ સ્ટેશન વિસ્તારમાં એનાલોગ પનીરનું વેચાણ કરતા બે વેપારીઓ સામે કાયદેસરની કાર્યવાહી હાથ ધરી છે. આ બનાવમાં મળતી વિગત મુજબ અમરેલી  ટીમ પેટ્રોલિંગમાં હતી તે દરમિયાન ટીમને મળેલી બાતમીના આધારે સાવરકુંડલા શહેરના મુખ્ય બજાર વિસ્તારમાં ફૂડ એન્ડ સેફ્ટી ઓફિસરને સાથે રાખી ડેરી પ્રોડક્ટનું વેચાણ કરતી બે દુકાનોમાં તપાસ કરવામાં આવી હતી. જેમાં આમવેલ જલારામ બેકરીમાંથી ૬.૮ કિલો તથા ઈલોરા બેકરીમાંથી ૧.૧ કિલો, એમ કુલ ૭.૯ કિલો એનાલોગ પનીરનો જથ્થો…

(મિલાપ રૂપારેલ દ્વારા)Amreli તા.૧૨ અમરેલી જિલ્લાના બાબરા તાલુકાના ઘુઘરાળા ગામે ખોડિયાર મંદિર નજીક શ્વાનોના હુમલામાં એક હરણનું મોત નીપજતાં વન્યજીવપ્રેમીઓમાં ચિંતા ફેલાઈ છે. ઘુઘરાળા નજીક જંગલ વિસ્તાર આવેલો હોવાથી આ વિસ્તારમાં હરણોની મોટી સંખ્યામાં વસતી જોવા મળે છે. મળતી માહિતી મુજબ, ખોડિયાર મંદિર નજીક હરણ પર શ્વાનોએ હુમલો કર્યો હતો. શ્વાનોના હુમલામાં ગંભીર રીતે ઘવાયેલા હરણનું અંતે મોત નીપજ્યું હતું. ઘટનાની જાણ થતાં વનવિભાગની ટીમ સ્થળ પર પહોંચી હતી અને મૃત હરણનો કબજો મેળવી આગળની કાર્યવાહી હાથ ધરી હતી. ઉલ્લેખનીય છે કે, બે દિવસ અગાઉ જ ઘુઘરાળા પંથકમાં હરણોની ઇન્ફાઇટનો વીડિયો પણ સામે આવ્યો હતો. હરણોની અવરજવર માટે જાણીતા આ…